D AUVERGNE

L EMORROISSE DONNE LE SUAIRE A JOSEPH D'ARIMATHIA

JOSEP

Adieu, seigneur, estre songnheux * Me fault pour avoir de la telle Qui soit blanche, doulcete et belle ; J'en vaiz querre je ne sçay ou.

L'EMORROISSE GARIE

J'ay cy de toile a foison

Pour vendre, se venoit marchant.

Bon marché farey, c'est raison, Pour ce que j'ay besoin d'argent.

JOSEP

Ma mie, tu as trouve marchant Qui ta toile veult achapter Pour faire l'enseveliinent De Jhesus que vai/. destacher.

L'EMOROISSE GARIE

Pour luy, seigneur, rien ne m'est [cher **.

De bon cuer certes la luy donne, Voir tout le mien luy habandonne, Car tresfort luy suis obligée, Pour luy santé me fut donnée Du flux de sang.

JOSEP

Prend cel argent, Aultrement ne prendrey la toele.

L'EMORROISSE

Mon seigneur, je suis son ancelle Et sa servante a le servir ; Pour ce amaroys mieulx morir Que si en prenoye ung denier, Et, si ne l'en voulés porter.

Je l'apporteray après vous.