FLAHAULT

Et pour ce nous te baterons Tant que jamais n’aras santé, Je suis du faittout informé, Je sçay moult bien trestout le cas, Et que tu esmus hault et bas Les Juifz plains de félonie.

ASTAROTH

Par toy fu la lance aguisie Dont son costé fu penetré, Les clos disposas a ton gré

20780 Dont il fu clouez a mesaise,

Tu mistionnas le brevraige

De fiel avec aisir amer

Qu’on lui presentoit a goutter.

Tieng, tieng, t'en auras ta saudée.

SATHAN

Ahors! j'ay la teste espautrée !

Larrons, murdriers, tenez vous quoys!

LUCIFER

Besoingne mieulx une aultre fois

Que n’aies pieur paiement.

SATHAN

Je vous prometz que temprement

20790 Useray mieulx de trecerie.

Se perdons l’humaine lignie

Ne soiez pour tant esbahis,

Car nostre infer sera remplis

Des Juifz que vous amenray,

Il en morra maint bien le sçay,

Qui seront a confusion

Tresbuchiezen no mansion,

Ou ilz aront peine et doleur.

LUCIFER

Avant qu'il soit plus tart, seigneur,

Je lo que nous fortifions

Et que noz portes bien fermons.

Sathan, fay la grant assemblée

Des diables a une huée,

Fault tout barrer comment qu’il soit,

Affin que se Jhesus venoit

Pour emmener l'humain linage,

Que lui monstriesme visage

D’estre corageux et hardis.

SATHAN

Je feray tout a vo devis.

90810 Laha ! haha! haha! haha!

Hors ca, de par le diable, ça!

Salez, diables, salez, salez, Armez vous tous et vous hastez, Cerbere, Astaroth, Burgibus Diables conés, diables cornus, Venez ça tous diables d’infer, Diables, diables, diables de mer, Diables conjurés par parolles, Diables qui parlezes ydoles,

20820 Diables dampnés, venez avant!

BURGIBUS.

Nous ve cy tous en vo commant ; Que yous plaist il a commander ?

SATHAN

Tantost je vous vorray conter.

Nous avons en conseil trouvé Que vous tous soyez adoubbé Et fort armés sans contredit Al encontre de cet esprit, Qui veult emmener par haussage Et malgré nous l'humain linage.

20830 11 nous fault tous passer a monstre,

Assavoir moult se al encontre

De lui pourroient resister Trestous les diables d’infer, Faittes la pourre de canons

De ces sorcieres a grant mons, Prenez flesches et ars turquois, Et faictes chascun ung pavois D'un brelencq, nulz n’y contredie Et mettez nouvelle hamie

20840 A la grant porte de devant.

BURGIBUS.

Nous sommes tous obeissant A vous, Sathan, c’est bien raison.

Or avant, avant, compaignon !

Pensons de furnir l’avant garde No dandeifle et no grant bombarde.