FLAHAULT

Sus, sus ! il nous fault abregier, Diables, alons ent appointier, Nostre quaroy et no vitaille.

Or avant, avant, crapaudaille!

20850 Soiez tantost prest pour deffendre.

Tous li diables se puissent pendre Tout au plus hault gibet d’infer, S'il vient, se d’un grauet de fer Je ne lui effondre la pance.

QUATRIEME JOURNEE

LUCIFER

Avant, avant, chascun s’avance !

Y entrera il, or y parra.

ADAM

Vostre force riens n’y vauldra, Se vous estiez cent fois plus fors, Se serons nous mis par lui hors

20860 Malgré trestoute vo puissance.

LUCIFER

Tu mentiras, car sans doubtance

11 y faulroit maint cop hurter

Avant qu'ung peust ceans entrer.

Ha, hay ! je voy bien la maniere,

Sathan, prent la grande baniere

Qui jecte feu de toute part.

SATHAN

I] n’y a Soufflet n’Agrapart

Qui peust jetter fais si pesant,

Car en celle baniere ardant

20870 A plus de cent mille useriers

Qui nombrent mailles et deniers,

Et si sont pendu maint herite,

Maint bougre et maint sodomite.

Seigneurs, seigneurs, faictes bon guet.

CERBERE.

Je viens de fermer no hucquiet,

Et s’ay abaissiet la barriere,

Et tout clos devant et derrière Tant que nous sommes bien asseur.

LUCIFER

Or entendez ça, beau seigneur,

20880 Pour quoy ne sont entierement

Acouru cy toute no gent ?

Ou est Urbant et Tantalus,

Bufar, Nazar et Fernagus,

Errouillart, Rifflart et Dentart,

Fouant, Zaroes et Frongnart,

Gombaut le maistre des diablesses ?

Sathan, pour quoy ne les apresses

De venir ? ilz sont nos fievez.

SATHAN

Tous ceulx que nommé vous avez

20890 De venir ont esté appart,

I] s’apart, car ung bolvart

Dessoubz le donjon principal

Ont fait par art especial,

Prenez en vous grant resconfort, Car il n’est homme tant soit fort, Posez qu'il sceust l’art de magicque Qui peust entrer par nul effort

En ce palais diabolicque.

les delivrer hors d’infer.

JHESUS aux portes d’infer.

Ouvrez voz portes princier Sans plus targier, Ouvrez, je suis le roy de gloire Se entreray pour exaulcier Et deslier Les miens, ayez le en vo memoire.

LUCIFER par dedans.

Vous n’y entrerez mie encore.

Qui estes vous qui vous disiez Le roy de gloire et qui bucquiez À noz portes si fierement ?

JHESUS

Je suis le roy omnipotent,

20910 Encore une fois je vous dis,

Le Dieu regnant en paradis,

Le vaincqueur en toute bataille

Qui entrera ceans sans faille.

Ouvrez tost, ou je romperay

Voz portes et si enmenray

Malgré vous tout l’humain lignage

Que vous tenez en vo servage,

Ma grace lui sera baillie.

Ouvrez tost, le fault il tant dire ?

LUCIFER

20920 Qui estes vous ore, beau sire

Qui roy de gloire vous clamez,

Sachiez que vous n’y entrerez.

Seigneur, ung chascun de vous soigne

A bien entendre a la besoigne,

La porte soit bien verrouillie,

Car ainsi n’y entrera mie

Malgré nous tous ne par haussage.

SATHAN

J’ay bien entendu son langage,

Il dit qu’il rompera noz portes

20930 Qui sont sur toutes aultres fortes

Et qu'il est le tout puissant roy,

Pour tant mettons nous en arroy,

Si que point il ne nous maistrie.

ADAM

Mes amis, menez chiere lie :

J'och hurter aux portes d’infer.