JEHAN EN genouT
Dieu qui par ta saincte victoire A: vaincu tous noz anemis, Tu soies loes et benis Quant sauvé nous a par ta croix.
GABRIEL
Joyeux suis de ce que je vois 24070 Que aujourduy l’humain linage Est mis hors du vilain servage,
O sire tout puissant Jhesu, 21090 Pour tant que je desobey, De tout mon cuer je vous mercy.
AdonË chantent tous ensamble : Advenisti redemptor nosler, eic.
YSAYE.
O tu le nostre redempteur, Nostre salut, nostre sauveur, Tu es venu en noble arroy, Comme li saïnct devant le roy L’ont prophetisiet en mains lieux.
JHESUS
Je vous feray encore mieulx, Tous vous menray en paradis Que je vous ay pieça promis, 21100 Il est huy jour de paiement.
DAVID, Roy des roys, pere omnipotent, Ton nom soit par tout exaulciés, Or nous pardonne noz pechiés, Tu nous ostes de la fumée Ou plouré avons mainte année Et nous tire hors par les mains Pour nous mener es lieux haultains, Et pour tant, mon Dieu glorieux, Je te mercy de cuer joyeulx.
Cantate Domino canticum norum quia mi rabilia fecil.
21110 Mes amis, chantez a hault son Envers Dieu nouvelle chanson, Car pour nous a fait grant merveille Et oultre plus il s’apareille
Et de fait nous veult emmener Ou regne qui ne puet finer.
Cy emmaine Jhesus l'humain linage en paradis terrestre auquel est ja le larron qui moru avec N. S. au mont de calvaire.
S. JEHAN BAPTISTE
Entens a moy, dis, qui es tu,
Ne qui t’a donné tel vertu ?
Dis moy qui te puet avoir mis
Devant nous tous en paradis ?
21120 Tu me sembles ung mais garçon,
Car t'as la veue d’un larron ;
Dy nous qui t’a cy fait venir.
DISMAS.
Je le vous diray sans mentir,
Il est bien vray que l’aultre jour
On fist mourir a grant dolour
Le seigneur et roy des Juifz,
Et pour tant que je fus occis
Avec lui ce jour a son dextre,
Je lui priay que je peusse estre 21130 Saiïinct et monde de tout pechict,
Affin que fusse colloquiet
En sa gloire avec ses amis,
Et pour tant humblement lui dis :
Memento mei, Domine, dum vencris in regnum luum.
Je te prie, tres puissant roy
Que tu ayes mercy de moy
Quant tu regneras en ta gloire,
Puis me dist, j'en ay bien memoire :
Amen dico tibi hodie mecum eris 1n paradiso.
Anuyt en paradis seras, Dist il a moy, tu m'y verras, 4140 Tes pechiés te sont pardonnés, Je fus vrayement larron prouvés, Mais si tost que Je fus occis Je fus de deux angles ravis Qui soudainement m’emporterent Et en ce beau lieu me laisserent, J’en mercye le roy Jhesus.
JHESUS
Jehan anis, n’en parle plus, Si tost qu’il m’ot requis pardon it: Je lui donnay ma beniçon 24150 En laquelle tout bien habonde, Si que de tout pechiet fu monde, Aussi seront pareillement Tous ceulx qui creront fermement | En moy et en ma passion.
Gabriel, sans dilacion Fais lui mettre celle bart jus
MISTERE DE LA PASSION
Et si fais qu'il soit revestus
Du celestial vestement.
GABRIEL
Je feray vo commandement.
21160 Ostez celle hart, je vous prie,
Se serez de la compaignie Jhesus, et vestez cest habit.
DISMAS.
Je Le feray sans contredit, Ha ! Jhesus Crist, Dieu tout puissant, Je te congnois bien maintenant, Je te vy morir en la croix, Je te rens graces mille fois De ce que tu m'as pardonnés Tous mes pechiés et deschargiés 21170 Desquelz j'avoie une grant somme.
YSAYE, Qui est ore ce vieux bon homme Que je voy la en ce cornet ?
Vous semble il qu’il ait le corps net Pour cstre en lieu si autentique ?
DAVID
J’en voy ung aultre plus antique Qui est je croy son compaignon, Certes j'ay grant affection De sçavoir qui les a cy mis, Allons y. Dicu vous gard, amis, 21180 Se Dieu vous doint bonne aventure Qui vous a bailliet ouvreture D’entrer ou lieu celestien Quant vous estes si ancien ?
Je vous requier, qui estes vous Qui n’avez point avecque nous Esté en infer obscurement Et s’estes corporellement En gloire, s’en suis esbahy.
ENOC.
Je vous veul dire qui je sui, 21190 Je suis Enoc certainement Qui fus par le commandement De Dieu apporté en repos En gloire.
YSAYE.
Tenez vo pourpos.
Et tu qu'es tu, je te prie ?
Quel est ton nom ?
