L'ANGLE DU CHIEF

Femme que viens tu cy querir ?

Jhesus n’est pas au monument, Resuscité est vrayement,

21780 Droit cy querir ne le devez, C'est lieu aux mors, bien le sçavez, Entre les mors n’est pas Jhesus, En ce lieu ne le querez plus,

En Galilée en est alé, Aultrefois vous en a parlé Comment la vous precederoit Quant de mort resusciteroit, Enclinez droit cy vo viaire, Je vous monstreray le suaire

21790 Ouquel Joseph l’envelopa Quant jus de la croix il l’osta, Cessez voz pleurs, ne lamentez, À ses disciples racontez Sa doulce resurrection Dont vous veez l’apparition Et la chose estre veritable.

Ne creez pas que ce soit fable,

Âlez aux apostles noncier

Ce que m’avez oy prononcier, 21800 Et sainct Pierre pas n'oubliez

Lequel pour lui est moult courchiez

Et tenrement en a ploré,

Dictes lui qu'est resuscité

Et qu’alez est en Galilée,

Moult grant joie ara recovrée

Quant ce fait vous orra compter.

Alez, ne veuilliez arrester

Faictes ce que je vous ay dit.

MARIE MAGDALAINE

O qui tel chose oncques mais vit!

2810 Helas! no seigneur est perdu,

Mon cuer en ay moult esperdu !

Hé! angle de Dieu et amy,

Esse vray ce que j’ay oy ?

Est il de mort resuscité?