LE TAVERNIER
Dieu vous conduise, beaux preudoms,
Qui vous soustiengne en bonne vie.
CLEUPHAS.
Or nous hastons, je vous en prie
Tant qu’en Jherusalem entrer
Puissons pour nos freres trouver,
Pour les mettre hors de tristesse,
Nous leur noncerons grant leesse.
Or pensons de cheminer fort.
S. JEHAN l'evangelisle.
Mes freres, prendons resconfort
23320 En nous, je sçay de verité
Que no maistre est resuscité,
Il s’est apparu a Simon
Que Pierre par droit appellons, J’espoire et croy qu’en brief temps Nous sera tous resconfortans,
Ve cy Pierre qui vient droit cy, Demandons lui s’il est ainsi.
Or ça, Pierre, que dictes vous ?
Je vous pry, manifestez nous
23330 Se Jhesus s’est a vous monstré,
Bien scay qu’au monument esté Vous avez depuis le matin Sans moy determiner la fin, Se vous avez a lui parlé.
S. PIERRE. Seigneurs, sachiez en verité Qu’au jourduy ay parlé a lui, Ne soiez de riens en soussi, Sachiez sans variation Qu'il fera demonstration
23340 Par devant vous tout clerement,
Laissiez tristesse et pensement
Car bien brief devers nous venra.
S. ANDRIEU
Ha ! Pierre, bons amis, fera.
Au monde n'ay si grant desir
Que de son digne corps véir
Qui fu livres a tel exil,
Sçavez bien de vray que c’est il
Qu’a vous s’a volu demonstrer.
S. PIERRE
Amis, il n’en fault point doubter
23350 De cela suis je tous certains,
J’ay veu ses piez et ses mains Et ses playes toutes vermeilles.
Quant je vous ay bien ascouté, Comment puet estre suscité Ungs homs qu’a tel destroit fu mis Que d’estre en croix mors et occis, Nullement je ne le puis croire.
S. PIERRE
Thomas amis, c’est chose voire, Seurement le vous certifie, Je ne le vous diroie mie Se bien de vray ne le sçavoie.
LE PREMIER PELERIN
Beaux seigueurs, celui vous doint joye Qui maint ou throsne de lassus!
Nous sommes vers vous revenus Vous dire joyeuses nouvelles, Oncques mais a nul jour plus belles N'oystes que nous vous dirons.
Tout de vray vous certiffions Que nostre doulx maistre Jhesus Est de mort a vie venus, Avec nous s’est acompaigniés Et nous a fort interroguiés Pour quoy si tristes nous estiesmes, Mais point ne le resongnissiesmes, Il nous a fait plusieurs sermons Et grans interpretations En recolant les propheties Qui pieça sont de lui noncies, Dont noz cuers mist en tel leesse Que perdismes toute tristesse, Et vint avec nous au chastel Ÿ De Maulx tout droit en nostre hostel, Et droit la eusmes congnoissance De lui et de sa grant puissance Quant il fist benediction Sur le pain, puis fist fraction Si comme sa coustume estoit Quant avecques nous conversoit, Et quant le pain il benéy, En nu pars tout droit fendy, Puis de nous s'est esvanuis Dont nous fusmes moult esbahis.
Prenez en vous joyeuseté, Pour vray il est resuscité, Il est maintenant immortel.
CLEUPHAS.
Chiers freres, sachiez qu’il est tel Que mon compaignon vous a dit, Tout ce qui de lui est escript
23400 Nous a clerement exposé.
QUATRIEME JOURNEE
S, PIERRE
Hé! glorieuse Trinité, Roy puissant de gloire eternelle, Ve cy gracieuse nouvelle Et ung moult precieux singnacle, Ve cy miracle sur miracle Et grande consolacion, Or est acompli le sermon De no bon maistre Jhesu Crist, Bien ay memoire qu’il nous dist 23410 Et tesmoingna si qu'il me semble Que quant deux ou x1 sont ensemble En bonne congregation, 1} dist qu’il estoit ou moillon Et est moyen en l’auditoire, Par ce point cy il est a croire Que s’en discort eussiez esté, Sachiez qu’il n’eust pas demonstré À vous sa resurrection, Soions tous en devotion 23420 Car nous devons bien faire feste.
S. JEHAN
Beaux seigneurs, je vous ammoneste Que nous tous nous resjoissons, Car bien faire feste devons
Quant le doulz redempteur du monde
En qui toute doulceur abonde
Nous demonstre tel carité,
Mettons nous en humilité
Et soyons ferme sans doubtance,
Ayons en lui ferme creance, 23430 Dont de certain suis informé
Maintenant qu'il est suscité
Sans avoir variation.
S. ANDRIEU
Je suis de vostre opinion,
Jehan doulz amis debonnaire,
Nous avons assez exemplaire
Et tesmoingnage a grant planté.
Vous sçavez et c’est verité
Qu'il souffist en ung jugement
De deux hommes tant seullement 23440 Avoir d’un fait vray tesmoingnage,
En tous pays est tel usage,
Or en avons nous plus de quatre,
Pour quoy je dis que nulz debatre
Ne puet par voie de raison
Que la resuscitation
De Jhesu Cris par vrays tesmoings
Ne faiche acroire pres et loings,
Et s’il son disciple n’est point
Que ce ne croit de point en point, 23450 Quant a moy je croy seurement.
S. JAUQUES LE GRANT.
Andrieu amis, certainement Moulit volentiers vous ay oy, Il me semble que ces gens cy Qui nous font approbation Ont bien en eulx sens et raison Et discretion pour comprendre Ce qu'’ilz nous donnent à entendre, Considéré qu’ilz sont des nostres Et de fait nommés comme apostles
23400 Conversans avecques Jhesu.
S. THOMAS
Messeigneurs j’ay bien entendu Tous voz propos et tous voz dis.
Ja nul jour que je soie vis, Je ne creray qu’ung homme mort Tant puist estre puissant ne fort Soit de mort a vie venu, J’ay tousjours ce propos tenu Et tousjours je le maintenray.
