S. JACQUES LE PETIT

Ha ! Thomas, je vous blasmeray

23470 De ce que dictes tel folie

Vous avez la raison oye

Premiers de Pierre no pasteur,

À qui Jhesus no bon seigneur Bailla les clefz de paradis,

Bien avez entendus ses dis

Qu'au jourduy a veu sa presence Apparoir par divine essence.

Apres il est chose notoire

Que ces gens cy sont bien a croire

23480 Qui viennent de pelerinage,

Ne crez vous pas leur tesmoingnage ?

Vous avez folle oppinion S'il n’estoit approbation Nul aultre qui fust plus certaine Que de Marie Magdalaine, S'en avez vous trop argué :

Quel chose avez vous empensé ?

Voulez vous devenir herites ?

S. THOMAS, Beau seigneur, j'och bien que vous dictes,

23490 Vous direz ce que vous volrez,

Mais aultre chose n’en arez,

Et sachiez ja ne le creray

Jusqu’a tant que je le verray,

Je m'en voy, a Dieu vous command, J'aime trop mieulx je vous creant Que vous creez bien a par vous Que ce que mal creons trestous,

Je vous pry, ne m’en parlez plus, J'ay plus grant peur de croire abus

MISTERE DE LA PASSION

23500 Que je n’ay de vraiement croire,

En bien croire n’a que mescroire, Je l’ay oy plusieurs fois dire.

S. PHILIPPE

Thomas, Dieu vous veulle conduire

Par tout ou vous vorrez aler

Et tellement enluminer

Que puissiez croire la victoire De Jhesu Crist le roy de gloire, Affin que ne soyons bannis

Du nombre de ses bons amis

23510 Et qu’estre puissiez de sa part.

S. BERTHELEMIEU.

Beau seigneur, il est ja bien tart, Il est temps des portes fremer, De céans s’irons reposer

Ung petit, car il n’est nul homme Qui ne conviengne prendre somme Pour tant qu’il soit homme mortel.

S. MATHIEU Vostre conseil est bon et bel, Or les fremons que Dieu y soit S’aucuns juifz céans entroit

93520 Dont nous fussiesmes apperçus,

Nous pourriesmes estre perdus,

Bien sçay qu’ilz ne nous aiment mie

Et que sus nous ont grant envie, Encores sont en grant fureur, Nous en devons bien avoir peur Et penser de tout bien fremer.

Adonc cloent les portes de leur chastel.