THOMAS. 23760 Par ta grace et par ta doulceur

Je vous ay cy oy retraire

Chose qui est moult merveilleuse,

Et se c’est vray moult vertueuse.

Mais sachiez que suis esbahis

Pour quoy ne s’est il apparus

Tout aussi bien quant j'y estoie

Qu'il a fait quant je fus en voie.

S’il lui plaist que je croye en luy,

Pour quoy ne s’amonstre il a my 93720 Aussi bien qu'il a fait a vous?

S. BERTHELEMIEU.

Thomas, Thomas, amis tres doulx,

N’aiez plus celle oppinion,

Creez la testification

De voz bons freres et amis,

Et s’ajoustez foy a leurs dis.

Que gaigneriesmes nous, beau sire,

De maintenant tel chose dire

Se bien n’estiesmes enformé

Que Jhesus a droit cy esté?

23730 Vous maintenez moult grant erreur,

C’est de vous oyr grant doleur, Ne pensez plus a tel folie.