S. JUDE
O haultain divin sapient, Qui tiens ton habitation En eternelle region, Je te supply, ne seuffre pas Que nostre compaignon Thomas Soit de ta grace separé Par forme d’incredulité
23770 Pour quoy le nombre ne soit mie
Amenri de no compaignie,
Donne lui confirmation
Et de toy revelation,
Affin qu’il puist de vray entendre Ton soustenement et comprendre Les vertus que tu as en toy.
Cy apres est comment Jhesus s'apparut a ses
disciples que S. Thomas y estoit, et lui fist Jhesus bouter sa main en la plaie de son corps el coslé.
JHESUS
Thomas, Thomas, entens a moy, Laisse ton incredulité, Sachies que je suis suscité,
23780 Regarde mes mains et mes piez
Ou les cloux ont esté fichiez,
QUATRIEMÉE JOURNEE
Et les atouche hardiment,
Et considere le tourment
Que j'ay pour les pechiés souffert,
Pour quoy me suis en croix offert
Et pour tous mes leaulx amis
Oster des mains des ennemis,
Boute ton doit en mon costé
Pour mieulx savoir la verité 93790 De ma paine et de ma doleur
Et relenquis ton grant erreur,
Ne veulle pas estre incredule
Comme bestial et enturle,
Mais soies a tousjours leal
Et constans sans penser a mal.
Adont mect S. Thomas sa main ou costé
Jhesu et dist en genoulx 8. THOMAS. Mon vray Dieu et mon vray seigneur, Mon vray pere, mon createur, Humblement je te cry mercy, Mon cuer a esté endurcy 23800 De croire ton suscitement, Se te requier piteusement Que tu m’en veulles vray pardon Octroyer, pere de Syon, Jamais nul jour n’aray doubtance J'ay en toy parfaicte creance.
JHESUS
Thomas, pour ce que tu m'as veu Visiblement, tu as creu.
Benoit soient de Dieu mon pere Tous ceulx qui demourront en terre 93810 Qui de leurs yeulx ne me verront Et fermement en moy creront.
Adonc Jhesus s'esvanuy.
| 8. PIERRE
Mes amis, soiez tous unis Sans jamais estre departis De vraie amour et de concorde, Jamais n’ayons quelque discorde Que ne creons parfaictement Sans doubte ne variement Que Jhesus est resuscité, À nous s’est ja manifesté 93820 Pluseurs fois en nous demonstrant Que nous n’y alons variant Et que soyons ferme et estable, La chose avons veu veritable, Par quoy croire bien le devons, 8. JEHAN.
Pierre, tres bien nous recordons Que vous nous dictes verité, Nous n'avons aultre volenté
Et en celle volons morir.
