PIERRE

Or ça, mes amis et mes freres, Nous avons veu les misteres,

24180 Les belles euvres et parolles,

Les fixions et paraboles

De nostre pere souverain

Qui tout tient en garde en sa main, Tant de ses glorieulx miracles

Et de ses vertueux signacles Lesquelz fist avant qu’il fust mort, Comme il a fait depuis sa mort, Nous avons veu sa passion,

Sa digne resurrection,

24190-Et si avons veu souvent

Qu'il s’est apparu proprement

À nous tous en mainte maniere.

Or ve cy l’eure derniere

Qu’a nous tous il s’est apparu, Haultainement y a paru,

Nous l'avons veu comme vray Dieu Et vray homme monter es cieulx.

Si conseille que retournons

Et que cy plus ne demourons,

24900 Ralons nous ent en la cité,

Si comme il nous a endicté

Affin que puissons recepvoir

Le don que nous devons avoir,

C'est le don du sainct esperit

Ainsi comme il le nous promist.

S. PHILIPPE

Certes, Pierre, vous dictes bien,

Partons de cy, n’attendons rien.

Adonc s'en vont tous les disciples ensemble

en ung lieu en Jherusalem.

S. PIERRE

Or ça, mes freres, vous sçavez, Et bonne congnoissance en avez,

24210 Que le filz de perdition,

Qui Judas Scarioth eust nom,

Estoit le xne des nostres,

Qui sommes desnommés apostles, Lequel par ses euvres maldictes, Par ses pechiés et demerites

À eu ung dolereux salaire,

Trop vilain pechié volut faire

Et trop se volut en hardir,

Quant son doulz maistre voult trahir, 24220 Vous sçavez trop bien que ce fu

Et a quel fin il est venu,

Si n’est pas besoin que j’en die Plus avant, mais je vous supplie Que pour le nombre reparer Que Judas veult desemparer, C’est assavoir que nous voyons Que jusques a xr1 soions,

Car certes le nombre xrre

Est mieulx licite que le xre.

24939 Aulcun bon preudomme eslisons

Lequel apostle nommerons,

11 m'est advis qu'il seroit bon.