JEHAN

Vous ne dictes fors que raison

Car pour multiplier la foy

Et les poins de la nouvelle loy

Ordonnez par le roy celestre,

Jusqu’a xn pouons bien estre,

E taussi no maistre Jhesus

Qui nagaires monta lassus,

24240 Quant en ce monde cy regnoit,

Nous xn ordonnet il avoit Comme ministres principaulx

Et messagiers especiaulx

Pour preschier la foy chrestienne En toute marche terrienne.

Car ceulx qui en lui foy aront Chrestiens appellez seront, |

Et de Christ sans dilation Prendront denomination,

24250 Et pour tant, Pierre, je vous dy

Qu'il est bon qu'il se fasse ainsi,

Eslisons ent ung par bon sens

De ceulx qui sont droit cy presens.

S. PIERRE

Je ous diray que nous ferons,

Deux de ceulx cy nous prenderons,

Joseph le juste en sera l’un,

Mais qu'il ne desplaise a aulcun, Et l'aultre Mathias sera,

Et puis chascun de nous fera

4260 Priere a Dieu devotement

Qu'il lui plaise amoureusement Nous monstrer de commun accord

Sur lequel eschera le sort

Des deux, car au plaisir de Dieu Ainçois que partons de ce lieu,

Par ainsi faisant nous arons

Ung des deux que nous nommerons Apostle de pensée unie,

Et sera de no compaignie.

24270 Que vous en samble, ay je bien dit ?

S. JEHAN

Vous dictes bien, il nous suffit, À ce faire n’arrestons pas.

S. PIERRE

Ça, Joseph, et vous Mathias, Tenez vous cy en no presence, S'il plaist a la divine essence L'un de vous apostle sera Sur lequel le sort escherra.