JOSEPH LE JUSTE

Me ve cy tout prest d’obéir À vous et a vostre plaisir.

S. MATHIAS

24980 Je me presente a vous de fait,

Faictes de moy ce qu'il vous plaist.

S. PIERRE

Or ça, mes freres, mettons nous

Tout prestement a deux genoux,

Et faisons a Dieu oroison

Chascun en grant devotion

Qu'il nous veulle tous inspirer

De sa grace et enluminer,

Affin que nous puissons venir

D’avoir ung homme a son plaisir

24290 Lequel soit taillié d’estre apostle.

S. ANDRIEU

Pierre, vo vouloir et le nostre Sont assez d’une concordance.

Mettons nous tous en ordonnance Au command Pierre nostre chief.

S. PIERRE

Je le vous somme de rechief, Mettez vous tous en oroison.