PIERRE

Puis que la grace nous avons Que maintenant parler sçavons Toutes manieres de langaiges,

Nous yrons, se ferons que saiges,

En tous pays la foy preschier 24520 Et a no pouoir exaulcier

Affin que nous puissons attraire

Avec nous au bien salutaire

Toutes manieres de personnes,

Et les mauvaises faire bonnes

Par nostre predication.

De region en region

Nous fault la terre avironner!, Preschier au temple et sermonner Les beaux misteres et les fais

24530 Que le filz Dieu sur terre a fais,

Sans que nul de nous la mort doubte, Car il n’y fault point faire doubta Que comme nous dist le filz Dieu Nagaires en ung certain lieu,

Quant au monde regnet arons

En la fin la mort souffrirons.

Car nous estans ainsi sur terre,

Les rois nous envoieront querre

Les princes et les justiciers,

24540 Toutes manieres d'officiers,

En leurs presences nous tenront,

Et forment nous argueront,

Dedans leurs prisons serons mis,

Et si treuverons peu d'amis

Qui nous viengnent donner confort.

Bien sçay que tous souffrerons mort, Car les ungs seront decollés,

Ars, desmembrés ou affollés,

Les aultres escorchiés tous vis.

24550 Or oez bien que je vous dis,

Quelque doleur, quelque martire, Que gens pourront penser ne dire, L'un après l'aultre porterons

En ce monde tant que serons, Mais apres la mort sachiez bien Que nous arons ung si grant bien Que chascun devera souffre,

Car comme nous dist nostre sire Apres noz tribulations

24560 Noz tourmens et afflictions,

No tristesse sera tournée

En joie qui de Dieu nommée Nous sera perdurablement Lassus en son hault firmament, Laquelle joie nous demourra,

Ne nulz ne le nous ostera.

Et pour tant venez ça, mes freres, Vous avez veu les beaux misteres Et la puissance haulte et digne

24570 De la haulte vertu divine,

Si vous prie par amisté

Que chascun d’ardant carité

S'en voist pour gens a Dieu acquerre Par tout circuiant la terre,

Les ungs voisent en orient

Et les aultres en occident,

Et les ungs voisent en acquillon,

Et les aultres en septentrion,

Et chascun face son devoir.

282 MISTERE DE LA PASSION

24580 Que la gloire puissent avoir Avecques nous grans et petis, Tous ceulx qui ne sont advertis Du nom de Dieu et de ses fais Et des miracles qu'il a fais, Donnons leur en la congnoiïissance Selon ce qu’avons de puissance.