L'EMPEREUR

Nagaires nous est souvenu D'une molt haulte besongne Qui bien nous compete et besongne Que cy nous vouldrons proposer

4520 Et haultainement exposer.

Comme il soit ainsi que le monde Si grant comme ilest a la ronde Des parties orientales Jusqu'aux mettes occidentales Et aussi acpuis aquilon

Tout jusques au septentrion Face plainiere obeyssance

À la souveraine puissance’

De notre grantet noble empire, 1530 De peur que la chose n’empire, Nous avons tele intention

Que de faire description

Par tout le monde hault et bas Pour savoir les fais ct estas

Les nombres et les quantités Des bonnes villes et cités,

Et les quantités des personnes Qu’ens demeurent mayses et bonnes, Et affin que chascun entende 1540 A quoy notre desir contende, La description sera telle

Que toute personne mortelle,

Voire en tant qu’il touche homme et femme

De quelconque terre ou royalme Qu'ilz soyent, se yront presenter,

Sans ung tout seul en excepter, Dessoubs les prevosts ou baillis De leurs provinces et pays Ou dessoubs aultres officiers, 4550 Maieurs, viscontes ou justiciers, Chascun ung denier portera Lequel en valeur montera Dix aultres, ainsy le voulons Et expressement commandons, Ou quel denier sera emprainte Nostre ymage, et puis en l’enchainte De ce denier tout environ Sera escript tout notre nom.

Nous le voulons expressement 1560 Et par especial mandement.

Et par ainsi sçavoir porrons Quants subgetz dessoubz nous avons, Et s’on en treuve aulcun rebelle, Nous en donnons sentence telle Qu’ilz en soient tantost pugnis Et par jugement a mort mis Ainsi nous plaist il cstre fait Car nous volons sçavoir de fait, Orendroit puisqu'il le fault dire, 1570 La puissance de nostre empire, Bondésir, hérault, vient avant.

BONDÉSIR & JEnOux.

Que vous plest, empereur puissant ?

Me ve cy en vostre presence.