PASSION MARIE

Ha mon tres doulx Dieu, quesse cy!

AGAR

Dame, apaisiez vous, je vous pri,

Attendez, je l'iray querir

Avec vous. Dieu par son plaisir

Nous en donne bonne nouvelle !

MARIE

Ma grant doleur se renouvelle,

Ha beau tres doulx Dieu, que frai-je ?

JOSEPH

Helas, apaisiez vo coraige

6020 Car jamais nous ne cesserons

Jusqu’a ce que trouvé l’arons.

MARIE

Allons voir a ce lez de ça S'on ne l’a point trouvé.

AGAR

Or ça.

Adonc vient Marie a Sephora et dit.

MARIE

Ha cousine, par fine amour, Veulliez appaisier ma dolour, Se vous sçavez ou est mon fils, Dittes le moy, SEPHORA.

Je ne le vis,

Passé 11 jours, je vous promet.

Las ! ne sçavez vous ou il est ?

MARIE

6030 Nennil, dont j’ay si grant destresse Que plus n’en puis.

SEPHORA

Ha, ma maistresse, Ma cousine et ma doulce amie, Resconfortez vous je vous prie, Je l’iray querir avec vous.

AGAR

C'est bien dit, venez avec nous, Se leur aiderons a querir.

JOSEPH

Dieu le vous veulle remerir !

MARIE

Alons voir a Elizabeth Sçavoir s’elle scet ou il est.

Adonc vient a Elizabeth et dit :

6040 Hé, cousine, oez par vo grace

Quel chose devers vous m’acache,

Avez vous point veu mon enfant ?

ELIZABETH

Ha! mon vray Dieu tout puissant !

Vostre enfant, l'avez vous perdu?