SABAOTH

Or y alons donc vous et moy.

MARIE @ Joseph en Nazareth.

Joseph, mon espeux et amy, Je vous prie, parlez a my, Avez vous amené mon fils ?

JOSEPH

Vo fil ? dame, je ne le vis

5960 Depuis qu'il estoit avec nous

Dedans le temple a deux genoux.

Ne l’avez vous point amené ?

Je cuidoie en verité Qu'il s’en fust avec vous venu.

| MARIE, Helas ! que m'est il advenu ?

Las moy ! lasse triste et dolente!

Las ! qu'est mon enfant devenu ?

Las ! pour quoy n’est il revenu ?

Raison est que je m'en demente !

5970 Helas ! personne belle et gente,

Mon enfant, mon Dieu et mon pere,

Aies volenté diligente De conforter ta povre mere, JOSEPH.

Dame, dame, confortez vous, Se vostre enfant n’est avec nous, Vous poez savoir plainement Qu'il n’est pas trop mauvaisement.

Vous devez avoir congnoissance De sa grant vertu et puissance, 5980 IL est Dieu, si se gardera Mieulx que nul aultre ne fera.

Helas ! Joseph, je scay de vray Que Dieu et homme l’enfantay, Je sçay bien qu'il a le pooir De faire tout a son voloir, Mais neantmoins nature de mere Me met en doleur moult amere, Et ne me puis pas conforter Ne ma destresse deporter, 5990 Jusqu’a ce que trouvé l’aray Jamais joyeuse ne seray.

Pour ce, amis, se vous volez, Nous l’irons querir a tous lez, Entre nos voisins et voisines, Nos parens, cousins et cousines, Pour voir se nous le trouverons, Et jamais nous ne cesserons Tant que nous l’arons retrouvé.

JOSEPH

Certes, dame, c’est bien mon gré, 6000 Allons le querir hault et bas,

Cy vient Marie moult desconfortée demander a pluseurs femmes se elles scevent point

ou est Jhesus.

MARIE

Hé, cousine, n’avez vous pas Veu Jhesus, mon enfançon ?

Depuis deux jours ou environ Je ne sçay qu’il est devenu.

AGAR

Comment n’est il pas revenu Avec Joseph vostre mary ?

MARIE

Nennil, dont j’ay le cuer marry, Sachiez, dame Agar, par ma foy.

AGAR, | Je ne l’ay point veu tant qu’a moy, 6010 Sachiez bien que se veu l’avoie Prestement je le vous diroie.

MISTERE DE LA