LE 11 DOCTEUR

Jhesus, voire. Or ça, mon fils, En arguant ainsi tu dis :

Ceulx qui ne font pas ce qu'ils doivent Sont dignes de pugnition Et que pugnition reçoivent, Et se dis sans dilation Que nulz de nous grans et petis Ne faisons ce que devons faire Et devons tous cstre pugnis,

6160 Pour ta conclusion parfaire,

Certes, mon enfant et ami,

Je te responderay a ce cy :

La majeur par toy proposée

Par moy te sera concedée,

Mais je nie licitement

La mineur tout entierement.

JHESUS

Or bien dont je le prouveray

Trestout du mieulx que je porray.

Ceulx qui ne tiennent pas la loy

6170 Ainsi comme elle est commandée,

Je vous propose tant qu’a moy, Pour la chose estre mieulx fondée, Qu'il ne font ce qu’il doivent faire.

Mais la loy vous ne gardez point, Se conclus qu’en tout vostre affaire De bien vous faites le contraire

Et de ce que vous est enjoint.

Se revient a mon premier point Ou pris ai ma conclusion

6180 Que vous estes bien et a point

Dignes de grant pugnition, SABAHOT,

Certes, a mon intention,

Cest enfant cy surmontera

Les docteurs, et escoutez la,

Oncques ne vy chose pareille, OSANNA

Par mo foy ve cy grant merveille

Or ho, escoutez que diront

Les docteurs et qu’il responderont.