LE IIS DOCTEUR
Or ça dont je responderay
6190 À lui au mieulx que je porray.
Beau fils, j'ay oy tes replicques
Par lesquelles tu nous replicques
Que forment a nostre honneur touche En disant ainsi de ta bouche :
Ceulx qui ne ticnnent pas la loy Ainsi comme elle est commandée, Tu proposes quant est a toy,
Pour la chose estre mieulx fondée, Qu'il ne font ce qu’il doivent faire,
6200 Mais la loy nous ne gardons point,
Se conclus qu’en tout nostre affaire De bien nous faisons le contraire Et de ce qui nous est enjoint.
Se revient a mon premier point Ou tu pris ta conclusion
Que nous sommes bien et appoint Dignes de grant pugnition.
Ad ce te volray je respondre
Ne pas ne nous laray confondre.
6210 En tant qu'il touche la majeur
Je le concede entierement,
Mais je te nie la mineur
Ou tu dis si notoirement
Que nous ne gardons nullement
Les commands en la loy compris,
Si faisons bien et loyalment.
Ne parles plus si largement,
Car t'en porrois estre repris.
JHESUS
Je ne me doubte de reprise
Nulle que vous me puissiez faire,
Car science est en moy comprise
Qui pour le monde est necessaire,
Et pour en venir al affaire
De nostre argumentation,
Pour icelle en tous biens parfaire,
Je respondray sans fiction.
PREMIERE JOURNEE
La mineur avez deniée Qu'en ma replicque avoye fait, Mais tantost vous sera provée
6230 En vostre presence et de fait Pour l'argument estre parfait, Car en ma mineur je disoye Que la loy de Dieu tout affait Transgressez, et point n’en mentoie.
Tenez vous les commandemens Telz qu'a vous et a vos parens Ils furent donnés par Moyse ?
Les tenez vous en leur franchise ?
Nennil certes, bien le sçavez,
6240 Assez congnoissance en avez, Ainçois estes plains de tous maulx.
Les commandemens principaulx Les tenez vous lealement ?
Amez vous Dieu entierement
Et vo proisme comme vous meismes ?
Certes bien je vous mech a esmes
De tout ce que vous m'orrez dire.
N'est il nul de vous qui desire
L'or, l’argent, la fille ou la femme
6250 D'’aultrui avoir a grant diffame ?
Regardez s’il est nul sur terre Qui reverende pere et mere Ainsi comme il y est tenu ?
Regardez bien le contenu En la loy de point en point, Regardez se je ne dis point Verité, si fay ce me semble.
Est il nul de vous tous ensemble Qui des commands judiciaulx
6260 Ne nul des cerimoniaulx Tiengne, si comme il est propice ?
Tenez vous raison ne justice ?
Faites vous raison a chascun ?
Nennil, il n’en y a pas ung De vous qui estes justiciers Et du temple officiers,
Vous ne faittes ne raison ne droit À nul, je le dy cy endroit.
Faites vous les cerémonies
6270 Ainsi qu’elles vous sont baillies ?
Il y pert trop petitement,
Quant ou temple publicquement
Les marchans vendent leurs denrées, Ce sont choses acoustumées
Par vous qui en estes les chiefz, Dont il venra des grans meschiefz.
Vous ne faites obedience
A Dieu, le vray roy d’Israel.
Vous sçavez de vray qu'il est tel,
6280 Et pour la cause de briefté, De toute vostre iniquité Et de vostre transgression, Je n’en veul approbation Nulle de plus belle apparence Que la certaine experience.
Experience vous condampne Et monstre le fait qui vous dampne, Entendez ce que dit vous ay Vous sçavez bien se je dy vray.
Cy est comment Marie retrouva Jhesus ou temple dispulant aux docteurs et dit Marie
a Joseph.
MARIE
6290 Ha, Joseph, ve cy mon enfant Que tant avons alé querant!
Ha! mon fils, que nous as tu fait!
Moy et ton pere te queriesmes Tristes et dolens, car de fait Nulle part nous ne te trouviesmes.
JHESUS
Et comment ne sçavez vous point, Ma belle et ma gracieuse mere, Qu'il me fault tout de point en point Estre es besongnes de mon pere?
MARIE
6300 Certes, mon fils, je n’entens mie Ce que tu dis par mots expres.
Je le crois bien, mere et amie, Mais vous le sçarez cy apres.
MARIE
Acolle moy, mon beau doux fils, Acolle moy, et se me baise.
Oncques tel douleur ne sentis Que j'ay sentie ne tel mesaise.
JHESUS
Or nous en ralons a nostre aise En la cité de Nazareth.
MARIE
6310 Alons, beau fils, puis qu’il te plest.
LE PREMIER DOCTEUR
Que nous est il cy advenu ?
Dont nous est cest enfant venu ?
Oncques ne vy chose pareille, N'oncques n'oy si grant merveille, Je crois que c’est chose divine.
Il n'est nul de nous qui soit digne De comparoir en sa presence En la faculté de science.
SABAOTE.
Vous ferez nostre loy honnir,
MISTERE DE LA PASSION
6320 Vous voz devez tous bien hair,
Quant ung josne enfant a tant fait Qu'il vous a convaincus de fait.
Nous l'avons tres bien escouté, Mais il dist pure verité,
Par vous deust bien estre gardée Nostre loy et recommandée,
Et vous le gastez de tous poins.
Il vous sera tres bien besoings
De trouver vos salvations,
6330 Car pour vos grans abusions
Vous ferez nostre loy perir.
OSANNA.
Qui vous feroit trestout morir, On ne vous feroit que raison, Car il n’y a juste occoison :
Vous desertez toute no loy.
LE PREIER DOCTEUR,
Heu, dia! messeigneurs, et pour quoy ?
