JEHANe Adieu jusqu’a revenir
Cy vient Jhesus au flun de Jourdain a S. Jehan pour estre baptizsiet et S. Jehan se met a genoux devant lui et dit:
S. JEHAN
O vray Dieu, pere createur, 0 fil de Dieu, mon vray sauveur, Tres humblement te cry mercy.
O veulles moy par ta doulceur Saintefier ! O vray seigneur, Dont te vient ce que viens a my?
Helas ! je deusse alers vers ty Affin que fuisse baptizié !
Oncques mais tel chose ne vy
6620 Dont je suis moult esmerveillié.
Vecy l’aignel qui est venu
De Dieu lassus et descendu,
Pour les pechiez du monde oster, Oncques cis fais ne fu veus,
Oncques on ne vy telz vertus,
Que Dieu nous veult droit cy monstrer.
O Jhesus ne te fault laver
Ne le baptesme requérir :
Ta pureté ne puet penser,
6630 Engien humain tant sceust viser;
Bien te doy Dieu de fait tenir.
JHESUS Sans targier, volons acomplir
Toute justice vraiement Monstrant superhabondamment Signe de vray humilité.
Chascun doit bien en vérité Obéir a plus grant de lui.
Humilité est veue ainsy, Humilité est habondans
6640 D'estre a son pere obeissans,
Humilité sy est trouvée Superhabondans et prouvée,
Quant le Seigneur veult obeir
À son serf, par ce puels veir
Qu'a ceste chose maintenant
À toy me submés demonstrant,
Que les gens qu’en honneur sont mis N’aient en desdaing les petis,
Et aussi que dorenavant
6650 En riens ne soyent refusant
Des sains Sacramans recepvoir À menre d’eulx qui le pooir.
En aront et seront commis.
Adonc descent Jhesus en l’'eauwe et le Saint Esprit descent sur lui en forme d'un blanc
coulon.
S. JEHAN
O vray Dieu, a toy obeys.
Entre ens ou il te plaist entrer, Ton plaisir fay sans arester.
JHESUS Pere, je te pry humblement Que tous ceulx qui devotement Saint baptesme receveront
6660 Ou ont reçupt, et qui vorront
Toy servir en fait et en dit Que la grace du Saint Esprit Puissent dignement recepvoir.
DIEU LE PERE
Vecy mon fil qui mon voloir Fera du tout, et je par luy Veul qu'il soit fait ct acomply En lui ay pris tout mon plaisir Veulliez l’en tous ses dis oir.
S. JEHAN
O mistere de grant essence
6670 Qu’engien humain ne puet comprendre!
Voir du Saint Esperit la présence
Et du Pere la voix entendre,
Les cieulx tres grant clareté rendre, Et oùr voix vivifiée
Si clere qu’on ne puet comprendre Comment elle est mondifiée!
C'est des pechiés l’ablution,
Et de grace le cones tout plain,
DEUXIEME JOURNEE
C’est voye de salvation 6680 Qu’estoupa Adam par sa main, C’est l’eauwe dont ont eu si faim Les prophetes il a grant temps, Maintenant je suis tout certain Que brief il en seront goustans.
JHESUS
Jehan, de cy me veul partir, Il est temps de moy faire vir Au monde et de manifester, Les œuvres mon Pere monstrer.
Devers le desert m’en yray, 6690 Et de cy je me partiray.
En foy te tiengne et en creance Cilz qui sur tous a la puissance 8. JEHAN.
0 fil de Dieu, mon vray seigneur, Et du monde vray redempteur, Du tout je me més en ta garde.
O bonnes gens prenez cy garde, Le fil de Dieu poez véir, Lequel s’en va la mort souffrir Pour nous et souffrir passion. .
6700 Las ! tu vois la compassion Qui prent de notre povreté Pour l’amour de la charité Qu'il a à nous non aultrement, Car tenus n’y est nullement.
LUCIFER
Dyables, dyables, ou estes vous Que tant me faictes de courroux ?
Venez avant, venez, venez, Venez bien tost, et acourez Astaroth, Belzebus, Sathan,
6710 Que mis soyez en tres mal an!
Ou estes vous? ou est Crocquet, Agrappart, Rifflart et Soufflet, Grongnart, Flahaut et Tantalus Bouffart, Nazart et Fernagus, Dentart, Frongnart et Arroulliet Ürlant, Fouant, Trote de piet ?
Venez tous, dyables et dyablesses, Ordes, puans et felonnesses, Venez à tout chaines et cros !
6720 Dyables, prenez kenes et crocs Pour entreiner et enferrer Tous ceulx que vous porrez trouver !
Venez tost ! venez acourant !
SOUFFLET pelit dyablot.
Lucifer, je vieng a vo mand Et s’amaine mon compaignon.
LUCIFER
Aprens a estre mais garçon, Entens bien celle note, ça.
