LES II AULTRES

Et nous aussy.

S. JEAN

Tres volentiers, A chascun je le bailleray.

LE PREMIER REQUERANT BAPTESME

Prestement me despouilleray, Cy baptise saint Jehan, grant mullitude du peuple des Juys ou flun de Jordain et dit :

Entrez en l’eaue, mes amis, Et ayez du tout vos cuers mis En Jesus Crist vostre sauveur.

LE LI REQUÉRANT BAPTESME

De lui servir sommes tout seur, Nous volons faire penitence.

Adont jelle saint Jehan l'eaue sur euls el leur dit :

6580 Vous devez avoir grant plaisance Quant Dieu tel sens vous a donné Que vous estes régénéré.

Or amendez tous vos meffais, Alez et rendez tous tors fais.

Junez, veilliez en oroisons

Et bonnes méditations, Fuyez pechiet le detestable, Soyez en foy ferme et estable Ne faites ne dittes nul mal,

6590 Amez chacun en général De leal amour sans faintise,

MISTERE DE LA PASSION

Gardez vous bien de convoitise

Amez amour et carité,

Se verrez la felicité

De lassus ou riens deffault.

L'amour du monde riens ne vault, Amour mondaine et biens mondains Sont faulx, decepvables et vains,

En eulx n’a nul bien ne vertus

6600 Ne querez pas biens de ça jus

Ça jus nest pas votre pais Il est lassus.

LE PREMIER REQUÉRANT BAPTESME

O que bien dis!

Ceulx seront de mal heure nés Qui ne seront regénérés.

S. JEHAN

Vous dittes bien certainement.

Allez et faites tellement Qu'en fin aiez des cieux la glore. LE 118 REQUÉRANT BAPTESME.

Tousjours arons de Dieu memore Bien souvent vous venrons veir,

6610 Adieu.