L'APPARITEUR

Sire, j'y vois. Or venez belle Avec moy, pour veir l'affaire

Adonc sen vont tous deux a la prison.

Ça Jehan, ça il vous fault fayre Ung tour d’appertise droit cy, 7250 Car Herode m'a dit ainsy

Or t’en delivres appertement.

S. JEHAN

O vray Dieu, pere omnipotent, Qui homme fis a ta figure, Qu’a toy fu inobedient, Quant il pecha oultre mesure, Deffeng ta povre creature Qui ton messaigier a esté 7270 Du faulx sathan et del ordure Ou les dampnez sont hostelé.

Roy puissant, sainte deité, Ta nouvelle loy ay preschiet, Penitence ay amonesté, Le saint baptesme exaulciet Ton benoit fil ay baptiziet, J'en appelle ton tesmoignage Encore ne l’a point nontiet En infer al humain lignaige, 7280 I] me fault faire ce messaige Aux peres de l’ancienne loy Que jettez seront de servage Par Jhesus le souverain roy.

Veuillies avoir pité de moy, Et me deffends de Sathanas, Mon esperit recommande à toy Pour le mettre in manus luas!

Mon amy, fais quant tu vorras Ton devoir de moy maintenant.