LA FEMME DESROBÉE

Messeigneurs veuilliez bas parler.

Ce fu ainsy que vers droit là.

BARRABAN.

J'aray ceulx-cy- GESMAS.

Et pour quoy, dia?

LA FEMME

Ho ! la ! ho! la ! j'och les larrons Qui partissent mes pinions.

DISMAS.

7670 Jay oy grant friente de gens.

MISTERE

Ascoutez.

BARRABAN.

Tu mens par tes dens !

C’est pour avoir le meilleur part Que tu le dis.

LE PREMIER JUYS DE SYDON.

Ve cuy le hart Pour en pendre ung bien adegois.

EMILLION.

Entrez droit cy entre vous trois Et en alez bien coyemnent.

GESMAS.

Nous sommes mors. alons nous ent.

BARRABAN.

Retournez, ribaux, retournez Et avec moy vous deffendez,

7680 Prenez cuer sans vous enfuir.

LE PREMIER JUYS DE JHERUSALEM.

Avant, avant, sans vous tenir !

Rendez vous, ribaux, rendez vous, Fuir n’en poez devant nous.

BARRABAN.

Tantost, tantost, tieng, prens cela!

EMILLION.

Fiers, fiers, qu'il soit très bien escous !

Rendez-vous, ribaux, rendez-vous !

Fiers fort, fiers, fiers fort, la, la, la!

DISMAS.

Ha! qui me vie sauvera Assez d'argent il en ara!

LE Ile JUYS DE SYDON.

7690 Cylz la est mors, tuons les tous.

Rendez vous. ribaux, rendez vous !

Fuir ne poez devant nous.

Ça, Barraban, crapaux reboux, Vous arez cy vo paiement !

Lyons les tous appertement.

LA FEMME & Emillion.

Ha! monseigneur, pour Dieu, mercy Ce fu ce grant larron y cy Lequel m'’osta mes pinions.

EMILLION.

Sus, sus, tost, marchiez, compaignons,

7700 Venez ent en Jherusalem,

Tenez les bien par leur loicn.

LA FEMME

Je m’en voy querir mon panier.

Ha! vecy le sang du murdrier

Je croy quil ont esté trouvé.

EMILLION @ Pilate.

Sire, nous avons amené Barraban avec deulx larrons.

PILATE

Mettez les dedans nos prisons Nous les verrons tout a loisir, Je vorroy Barraban pugnir, 7710 Aultre fois a fait homicide En ceste cité, dont je cuide Que par son col le feray pendre.

Cy passe Jhesus parmy le pays de Thiri et de Sidon et la femme de Cananée le sieult en disant.