LA FEMME DE CANANÉE
O Jhesus, de grace fontaine, Pour cuers de pecheurs arouser, Femme suis de grant doleur plaine, Veulles ma priere escouter.
O vray roy veulles arester Pour oyr ma petition, Car en toy j'espoire trouver 7120 Pité et miseration.
Regarde moy, fil de David En prenant de mon fait pité, Las ! escoute ung peu a mon dit Par ta benigne humilité.
J'ay ma fille qui a esté Long temps du dyable possessée Sans ung jour avoir de santé, A mainte grant paine endurée.
Las ! ne me veulles escondire 7730 Car de grant douleur suis actainte, N'est bouche qui le puist dire, La douleur que j'ay n’est pas fainte, Car l’anemy par grant constrainte À ma fille a tollu son sens, Dont tellement je suis estrainte Que je ne sçay comment me sens.
Helas, helas ! retourne toy, Vieng en cachier tel ancmy Qui ma fille a mis hors de s0y 7740 Et le tourmente par tel cy Que jecter le fait maint grant cry, Qui est grant pité a veoir.
N'est nuls se pité a en luy Qui du fait ne se deust doloir.
Las ! elle estoit jone pucelle Belle, plaisant et amoureuse, Maintenant est devenue telle Qu'’a le voir est chose hideuse.
Las ! que fera le maleureuse 7:50 Se par toy n’estoit secourue !
En ceste vie dolereuse Par le dyable scra tenue, Pour ce te requiers humblement
DEUXIEME JOURNEE
Qu’a son fait veulles pourvéir, Ou il convient totalement
Son corps et son ame perir.
Las ! ne veulles ja consentir Qu'elle n'ait de ton fait memore Affin qu’elle puist pervenir
7760 Lassus en permanable glore.
S. SYMON
Sire, vous vez il est notore
Que ceste femme Cananée
A sa voix moult hault eslevée,
Et crie apres nous haultement,
Pour quoy te prions humblement
Que lui veulles donner congiet.
JHESUS
Son fait n’est point si abregiet
Qu'elle s’en puist si tost aler,
Et aussi me convient ouvrer
7770 Au fait pour quoy suis cy venus,
Car au monde suis descendus
Non pas pour avoir ma plaisance, Mais pour remettre en ordonnance Les brebis et monstrer la voye D'’aler en perdurable joye, Lesquelles trouveray disperses, Car par maintes voies diverses
De Israel et d’aultres lieux
Les leups qui sont en mal soutieux
7780 Les ont mis hors de leur pasture
De verité et de droiture.
Se me convient ad ce veillier Pour elles a droit adrecier,
En faisant les œuvres mon pere Affin que sa puissance appere.
Et pour tant ceste femme cy Posé qu’ay le cuer bien marry Ne convient pas congiet donner, Ainçois le convient ascouter
7790 Et oir sa petition
S’elle est fondée sur raison.
Li anemis qui est subtil À sa fille mis en exil Et en voye de dampnement.
LA FEMME
O fil du vray Dieu sapient, Veulles incliner ta douleur Vers moy sans monstrer ta rigueur, La monstre ta misericorde, Donne paix en lieu dé discorde,
7800 Acorde moy par ta pité,
Pitoiable amour unité, Unis mon cuer a vraie amour, Amoureusement ad ce jour
Le te requiers tres humblement JHESUS.
Femme, tu requiers hardiment.
Il n’est pas bon prendre le pain
Des fils et le donner en vain
A ceux qui n'ont point de raison.
Le pain des fils donner doit on
7810 A ceulx qui ont la volenté
D'amer raisun et verité,
Non point aux gens desraisonnables Usans de choses detestables
Eux nourrissans en maulx et vices, Non congnoissans les benefices
De ceulx de qui leur pain leur vient.
Le pain des fils point n'appartient A gens comme ciens de le prendre Lesquels n’ont volenté d'entendre
7820 De acquerir leur sauvement.
LA FEMME
Ha, chier sire, certainement
Les kiençons qui sont es maisons
Des seigneurs en toutes saisons,
Les miettes qu’il vont querant
Par dessoubz ceulx qui sont seant
Souvent et menu les menguent
Et puis a leurs seigneurs s’en juent,
Sire, c’est fait de grant nature.
JHESUS
O femme, ton fait bien procure,
7830 Moult grant foy est en toy enclose
Quant entendu as ceste chose,
La foy que vois en toy comprise T'a fait requerir ceste emprise.
Pour tant foy qu’on doit bien amer M'a fait ta requeste acorder,
Ta fille sanée sera,
L'anemy hors en yssera,
Qui par long temps l’a possessée, Par toy ara santé trouvée,
7840 Car ta requeste je t’accorde.
LA FEMME
Vray Dieu plain de misericorde,
Servir te dois bien et loer,
Quant tu m'as volu accorder
La petition que faisoye,
Car bien sçay que digne n’estoye
D'obtenir de toy ung tel don.
Bien voy la miseration
Que tu prens des povres pecheurs.
S. PIERRE
Femme, tais toy, cesse tes pleurs,
7850 Ta requeste t'est acordée,
JHESUS
Ou est ta fille, Cananée ?
LA FEMME
Sire, ve le la devant vous Plaine de dueil et de courrous.
Vez comme fort le fault tenir.
JHESUS
O tu, dyable qui fais languir Ceste fille que je vois la, Ou non de Dieu qui te créa Lassus avecques Lucifer Et ceoir vous fist en infer
7860 Ou vous souffrez paine et torment,
Is hors tost et appertement, Et t’en va es lieux tenebreux, Obéis, is devant tous ceulx Qui sont cy affin qu’on te voye.
Cy est la femme de Cananée a genoux devant Jhesus el on tient la fille a deux gens, laquelle est demontacque, mais au commandement de Jhesus le dyable yssi hors de
son corps.
CERBERE dyable criant et brayant dit.
Ahors le murdre! qu’il m’anoye !
Dyables, dyables, le murdre ahors!
Le murdre ! or suis je bouté hors
De la fille de Cananée
Ou j'ay demouré mainte année !
7870 Ha, le murdre ! ja tout perdu !
Elle n’eust mais qu’ung peu vescu
Quant l’esperit lui eusse fait rendre.
J'ay tout perdu, je m'iray pendre.
Hau, Lucifer ! hau, Burgibus !
SATHAN
Quel dyable, que t'es esperdus !
Fil de putain, qu’as-tu a braire ?
CERBERE.
Tais toy, je ne sçay comment faire.
Que Dieu te mette entres mal an!
Ort vil truant, crapault, Sathan, 7880 On n’a de toy point de confort.
SATHAN
Je viens du lieu puant et ort
De souffler a la grant chaudiere,
Je voy devant, je voy derriere,
Je n’ay repos ne bien, ne aise,
Je suis toudis à la fouraaise
Ou au murdrir ou au tempter.
CERBERE.
Alons ent bien tost en infer
A Lucifer conter mon cas
Qui ne le tenra pas a gas.
MISTERE DE LA PASSION
LUCIFER
7890 Cerbere crapault, que veuls tu?
Que tu me sembles esperdu |
Quel diable ! qu'as tu apporté?
CERBERE.
Ung prophete m’a hors bouté
D'une fille que tourmentoie.
Des long temps je le possessoie
Et l’eusse tantost agrappée,
C'estoit la fille Cananée,
J’eusse s’ame logiet ceans,
Mais oncques n’euch advis ne sens
7900 Quant le prophete fist la croix
Sur moy et que j'oy sa voix,
Tantost fu content d’obeir.
J'en crieve de dueil et d’ayr,
Tout le cuer du ventre me tremble
A peu que je ne m'en estrangle
Par mon sanglant crapaut musel.
LUCIFER
Le murdre du sanglant larroncel!
Quelles nouvelles 1l aporte !
Tost, tost, bien tost, frumez no portes |
7910 C’est Dieu le pere qui revient !
Alors le murdre! et qui me tient
Que je ne te deschiere a graux?
Vatent de cy, vatent, crapaux,
Jectez le dedans no fournaise.
ASTAROTH
Nous l’abuverons de buvraïge
De vin et de ploncq boullant
Et apres ce le batrons tant
Que bien serez recompensés.
JHESUS a ses disciples.
Mes amis, avec moy venés,
7920 En Jherusalem m'en iray
Et aux Juys remonsteray Aulcune chose salutaire.
Ce n’est pas raison de moy taire, Amonnester je les vorray Et la voye leur monstreray De venir a salvation.
S. ANDRIEU, Vous avez bonne oppinion, Nous sommes prest de vous sievir Et de vo voloir acomplir,
7930 - Nul de nous n’y veult resister.
LE I*° DE JHERUSALEM @ aulcuns juys.
Alons nous ent ou temple orer,
Il est hui jour de no sabbat,
I] n’y a seigneur ne prelat
Qui ne doye faire grant feste,
DEUXIEME JOURNEE
C’est chose qui est moult honneste Que de le bien sollempnisier, Alons ent sans plus en plaidier, Se ferons la sollempnité.
Adonc s'en vont au lemple III ou TITI pour orer el solempnizsier le sabbal.
Cy aprez entre Jhesus en Jherusalem en passant devant une pechine entour la quelle sont TITI ou V malades el dit.
