MATHIEU

Et aussy né fay je pour voir, Oncques mais ne le vy plorer Fors quant ala ressusciter

10590 Lazaron son ttes chier amy.

De ce suis je moult esmary, Pierre compains, je te requier Que tu lui veules supplier Que 14 cause nous veulle dire.

S. PIERRE

Je redoute si fort son ire Qu’a paines ne l’en ose touchier.

Adonc dit a Jhesus.

Tres chier maistre, je vous requier Mais que point il ne vous desplaise, Souffrez vous aulcune mesaise

10600 Pour quoy ainsy si fort plourez,

Nous en sommes tous effraés,

Dites nous la cause et raison.

JHESUS

Mes bons amis, l’occasion

Pour quoy plore, c’est de pité

De ceste notable cité

Que par nostre permission

Sera mise a destruction

Por les pecinés et mauvais vices

Que Juis font et malefices.

Pierre sur aultre n'y ara,

A terre tout tresbuchera,

Si comme piecha l'ont dit

Les bons prophetes et escript, Et les gens qui lors y seront Grant meschief a souffrir aront, Car les meres par grant famine Apres ma mort en brief termine Mengeront leurs propres enfans Que portés aront en leurs flans,

10620 Destruit seront, ars et bruys,

Noyez, pendus, a exil mis.

Et outre je vous dis encore

Que de ce fait sera memoire

Tant comme le monde durra,

Chascuns sy les decachera ;

Hays de toutes nations

Seront, sans avoir mansions

Ne refuges proprietaires,

Serfz seront et vilz tributaires,

Tous maulx sy leur seront propices

Pour leur deffaultes et grans vices ;

Car l’effusion de mon sang

Prenront sur eulx et leur enfant,

Ce leur sera ung si mal eur.

Et c’est la cause de mon pleur,

Ce vous soufise, alons tousjours.

S. PIERRE

Ha, quel meschief! ha, quel doleur !

Helas ! bien en doit anoier |

D'aler nous convient a voiier,

Icy avons trop demouré,

En tout soit fait ta volenté.

Cy apres est comment Jhesus entra en Jheru-

salem sur l'anesse et comment les ungs abaloient les rainseaux des arbres pour esternir sa voie, et les aultres estendotent robes et draps de parement. El les enfans des Hebreux chantoient ce qui s'ensieut et disoient.