JEHAN Puis qu’il vous plaist, sire, la table

10880 Ferons mettre et tout apointier.

Alons, Pierre mon amy chier, Au command no maistre obeir, Car de mangier ay gran desir.

Cy viennent S. Pierre et S. Jehan al homme

qui porle une buire plaine d'eaue en sa maison et lui dist S. Jehan.

S. JEHAN

Preudoms qui la cane portez,

Jocquiez ung peu et escoutez.

Preparer vous fault et pourvoir

Vostre maison, car recevoir

Nostre maistre vous y convient

Comme sçavez qu’il appertient,

10890 Ses disciples avecques venront,

La cene huy ceans tenront.

Or faites tant que tout soit prest.