PIERRE
Puis que no maistre a lavé, 10930 Ensemble tous nous laverons.
JHESUS
Venez seoir, sy mangerons De cest aignel comme ordonné Fu jadis et' institué De mangier ou lieu de mon corps Qui advenir estoit pour lors.
S. PIERRE
Jehan, vous serrez a senestre De nostre maïstre, et moy a dextre Iray seoir pour mieulx veir Tous les signacles et oir.
10940 Seez vous tous ensy que venez, Faites bonne chiere, buvez, Et retenez ce que dira Nostre maïistre quant parlera :
Ses dis sont tres bon a oyr.
JUDAS SCARIOTH.
Devant luy me volray assir, Et a son plat volray mangier, Ce morsel prenderay premier.
JHESUS
L'ung de vous est en grant pechiet Et pour moy trahir empeschiet, 40950 Ne scet comment me baillera Aux Juis as quelz vendu m’a.
Trop mieux luï vaulsist estre a naïistre Que de livrer a mort son maistre, .
J'ay pité de son grant meschief, 8. PIERRE, Ha ! tres doulx maistre et nostre chief !
Qui fera ung si crueux tait ?
Seray je chou ?
JHESUS
Cil qui ce fait
Et qui ceste affense a traittiet Avecques moy a atouchiet 10960 En mon plat que vois devant moy.
De ce que dy souviengne toy :
Bien brief en ara congnoissance.
JUDAS
Maistre, qui fera ceste offense ?
Seray je ce ? dittes le moy.
JHESUS
Dit tu l’as, bien le fait congnoy,
Comme proposet est fait sera.
Ce faux prophete detruira Nostre loy s’ïl n’est pourveu.
N’avez vous pas oy et veu 40970 Comment le peuple veult seduire Et a sa faulse loy induire, Et comment du temple a chassiet Les marchans et apres preschiet ?
I] m'a fait a peu esragier | Il nous en convenra vengier :
Sache se je le puis tenir Que je lui feray bien sentir Comment je l’aime par amours.
Vengiet en serons ans 111 jours, 40980 Car vendus si nous a esté, Se fault que nous soit delivré.
JHESUS a ses disciples.
Mes amis, or veuillez oir Ce que dirai et retenir.
Vous savez que pour l’alegeance Et pour humaine delivrance En ce monde ai volu descendre Eta ce m'a fait candescendre Amour et vraye charité, Esmeut de tres grande pité, 40990 Veant trestout l’humain linage Perir et estre en grant servage Parle pechié du premier pere.
Plusours fois de ceste matere Vous ay parlé et fay encore, Affin qu’en aiez tous mermore, Ma passion sens approchier,
Pas tous jours ne vous puis preschier,
Souviengne vous de tous mes.dès, S'en faittes livres et escrips
41000 Pour l'amour de vos successeurs,
Affin que de moy soient seurs.
Que sui venus pour racheter Ceulx qu’en bien se volront porter.
DEUXIEME JOURNEE
Eureux est qui les retenra, Benoit sera qui les crera.
Encore oultre vous dy plus fort, Car apres qu’aray receu mort Au tier jour resusciteray,
En Galilée vous revarray
11010 Preceder, la voir me porrez
En char, en sang vif se volez.
Grace et loenge je te rens,
Pere, en ta gard et soing me prens, Ce qu’ay dit et fait m'as apris.
AdonË prent le pain et le brise et dit :
Ou lieu de l’agnel que jadis Mengoient, en la ramembrance
De mon corps et signifiance,
Les anciens et selon leur loy
À ce jour pour l'honneur de moy,
41020 Creans que devoie venir
Pour tout le monde secourir, Comme on voit en sainte escripture, Vous donray plus digne pasture :
Tenez et mengez, c'est mon corps Qui trahis, en croix mis et mors Sera pour vous, c’est chose voire.
AdonË prent de sa main chascuns ledit pain.
Apres veul qu’ayez toué a boire.
De ce buvez tous dignement Sur paine de vo dampnement,
41030 Car en ce vaissel precicux
Est mon vray sang delicieux
Qui pour moult de gens expandus Sera sur terre et respandus
En remission de pechiés.
Et si veul que vous ce faciez
En confermant la loy nouvelle Que par ce je vous renouvelle
Et en commemoration
De ma cruelle passion
41040 Que brief me convenra souffrir
En la croix et tout nud morir.
Qui dignement le recevra
Glore perdurable en ara,
Et cellui qui indignement
Le prendra, c’est son jugement, Sa perte et sa mort perdurable, Car de ma mort sera coulpable Et de mon sang juste espendu.
Vous vo maintenrez humblement
41060 Li ungs l’aultre sy servira
Le menre le plus grant sera.
