JACQUE

Je vous requier, pere Jhesus,

Que me dittes lequel de nous

Sera le plus grant de nous tous

Apres vostre departement.

JHESUS

Vous vo maintenrez humblement

Li ungs l’aultre sy servira

Le menre le plus grant sera,

Le plus grant soit menre en ce regne,

Car ou trop grant seignorie regne

Ne peult demourer vraie amour,

Seignourie de nuit de jour,

Ou orgueil a la foix maistrie,

Sans servir veulfestre servie,

Servir se veult sans desservir

Et le servant veult asservir

Et dominer sur le servant,

Et pour servir va asservant,

Ainsy ne m'’ay fait pas servir

Mais pour vous tous desasservir

Vous sui venus faire service,

Et affin que mieux vous servisse

J'ay esté ou milieu de vous

Maistre et ministre de vous tous,

À moy prenderez exemplaire,

Comme vous ay fait, devez faire

L'un al aultre, sans scignourie

Clamer l’un sur l’aultre ou maistrie,

Venus ne suis pour dominer,

Ne pour par grant force regner,

Mais sui envoyés pour morir

Pour vous, droit arez a souffrir

Apres ma mort en grans injures

Pour moy et ma loy soustenir,

Pour laquelle entretenir

Vous convenra recevoir mort

Sans nulle cause et a grant tort,

Dont bien serez salariés

Par mon pere et glorifiés

41090 Dalez moy ou throsne eternel,

Les x11 lignies d’Israel

Serez jugans avecques moy.

Pierre amis, avise toy,

De par mon pere es resvestus De sciences et de vertus,

Et a ma supplication

Que fis quant par temptation Le dyable te voloit tollir

Ta foy pour toy faire perir,

11100 De moy a esté retenus

Par quoy dy que tu es tenus De tes freres reconforter

Et les aidier et confermer,

A ce t’ay commis et commetz Et le fait a toy en remetz.

Adonc dient graces et se lievent et dist Jhesus.

MISTERE DE LA

Or rendons graces amiables A Dieu, puis levons de la table.

Ma robe despoillier je veul, Je vorray çaindre ce lifssel.

11110 À moy servir soiez enclin,

Preudons, met de l’eaue ou bassin, Laver a tous je veul les piés.

S. PIERRE

Ha ! sire, pour Dieu ne ferez !

Helas ! sire, Lenez vous quoyx.

JHESUS

Ce que fay encore ne congnois, Mais sy apres le congnoistras.

S. PIERRE

Certes point ne les laveras.

JHESUS

Se ne les lave en bonne foy, Part tu n’aras avecques moy

41120 Lassus en glore souveraine,

S. PIERRE

Ha ! sire puis que ceste paine Veuls prendre, mes piés seulement Ne lavez, mais totalement Nettiez mon chef et mes mains.

JHESUS

Ceulz qui sont net ou corps et sains N'ont mestier que des piés laver Et de linge bien essuer, Par ce seront tout net et monde, Mais non pas tous car ung immonde,

41130 En a de vous en conscience.

Et quand a lavé a tous les piés, dist :

Or faites ung petit silence,

Dire vous veul ce qui m’a mut

A laver vos piés et esmut.

Vous m'’apellez maistre et seigneur, Et bien dittes ; vo createur

Vostre maistre et vo seigneur sui, Croire en moy fault et non aultrui, Se voy piés dont vous ay lavé

A deux genoux et essué

41140 Moy estant maistre, par raison

Plus forte dy que du cuer bon Devez l’un al aultre ainsi faire, Servir humblement et complaire, Consideré que tout d’un pere Estes et tous d’une matere.

Cest exemple vous ay donné

En vray signe d'humilité,

Car qui plus humble si sera

Lez mon pere plus hault sera,

41150 A chascun de vous en souviengne,

PASSION

Mon pere en amour vous maintiengne Car brief seray pris entre vous Des Juis, et me larez tous Comme esperdus et effrayés, Li ungs del autre separés Serez pour doubte de morir, De quoy vous veulle souvenir, Quant vous verrez ce que vous dy.

S. PIERRE

Je te promet que tant qu'a my

11160 Pour riens qui soit ne te laroye,

Trop mieux a morir ameroye Qu’'au besoing je t’eusse failly.

JHESUS

Pierre, trois fois seray par ty

Renoiez anuit, je te dy,

Ains qu’au chanter le cocq s’anoie.