S. JACQUE LE PETIT

Trop mieulx a morir ameroie

Qu’au besoing je t’eusse failly.

S. PIERRE

Helas ! sire, pour Dieu mercy !

Petitement seroit servy

11170 Se si tost je te renoioie.

Trop mieulx a morir ameroie Qu'au besoing je t’eusse failly.

S. JEHAN

Sire, par nous serez sieuvy, Nous ne vous porriesmes laissier.

JHESUS

D’en plus parler n’est grant mestier, Bien scay comment vous en ferez, Une aultre chose me direz Laquelle vous demanderay, Vous sçavez que tenus vous ay

11180 Long temps a en ma compaingnie :

Vous a il chose deffaillie Se povrement vous ay tenus Sans chausses ou souler les piez nuds, Sans maison terre ou heritaige ?

Avez vous esté a mesaise ?

Vous a il ores riens deffailly ?

S. BARTHOLOMEU.

Nennil, sire, vostre mercy, Grandement de vous nous loons, Des biens, honneurs que nous avons,

11190 Vous en mercions humblement,

En priant que s’aulcunement Nous vous avons désobéi

Et negligentement servi,

De vous pris ou souffert service, Ne le veulliez tourner a vice, Mais tres humblement pardonner

DEUXIEME

Et nous veulliez grace donner, Qu'avec vous tous jours demorons Et que separez n’en soions.

41200 Sy vous servirons de cuer fin Mieulx qu’oncques mais soir et matin A no pooir tres humblement.

JHESUS

. Avecques vous visiblement, Sachiez tous, je ne seray gaires, Mais bien vous dy que necessaires Seront espées pour deffence Faire aux J'uis et resistence, Quant il me volront emmener.

Qui n’en a s’en voist achater

41910 Pour engagier sa robe ou vendre, À ce cop verray qui deffendre Me vorra com preux et hardis. LE FOURBISSEUR.

Or ça, ça ! j’ay du temps jadis De glaves et de vieus cousteulx, De goudendars et de martiaulx, De guisermes et de haches grosses, De gateles et de taloches, De daghes et de beux armerés, De heaulmes et de bachinés, 11220 De fers de lances a jouster, Et belles targes pour porter, Et sy ay de beaux ars turcoix, D’arbalestres a grosse noix, De coustilles, de bracquemars, De toutes manieres de dars, De quoy je feray grant marchiet, Car argent m'a delaissiet, Qui en veult j'en feray raison.

8. PIERRE, Il me semble qu'il seroit bon, 41930 Jacques, qu'alissons acheter Des espées pour contrester Al encontre de ces Juis.