LE 11° JUIS DE TYRI
Vous vous abusez, non fera,
Vous porriez tantost tout gaster,
Il fault ceste chose peser
Et en user par bon conseil,
Je voy que n’avez appareil
Ne quelque armure pour deffendre.
Le cuiderez vous ainsy prendre
Et se ainsy querir l’aliez
Et a le prendre faulsissiez,
Que cuiderez vous devenir ?
Il y fault aultrement pourveir,
À ce nous fault estre ententis,
Vous sçavez que tous advertis
Sont tous noz seigneurs de ce fait
Affin que tout soit tres bien fait
41360 Sans nous porter nul prejudice,
Et que nuls d’eux si ne nous dice, Se ceste chose estoit faillie, Que ce seroit par no sottie, Pour obvier a ce proces, Alons vers eulx si vous me crez Requerir conseil et confort.
LE Ve JUIS DE SIDON.
En ce faisant n’arons pas tort, Je suis de vostre opinion.
LE He JUIS DE THIRY.
Aussi suis je, or y alons
41370 Et si menons nostre marchant
Car il nous sera bien seant. Adoné s'en vont aux prestres de la loy.
Seigneur, je prie que vous gard.
LA PREMIER PRINCE
Bien viengnant, qui vous mϾlt si tart De venir vers nous ? fault il rien ?
DEUXIEME JOURNEE 133
LE IIS JUIS DE THIRI
Messeigneurs, je vous dirai bien Le fait qu'a present nous amaine.
Il est vray et chose certaine Comme vous sçavez que vendu Nous est le prophete Jhesus, 41380 Comme aultre fois nous avons dit, Or c’est vray que sans contredit Le marchant le nous veult livrer Et nous somme que delivrer Nous volons de l’aler querir, Pour livrer est a son plaisir, Et que le trouverons tout prest Ou jardin du mont d’Olivet, Et pour ce que fait a doubter Ledit prophete qui jouer 41390 Scet de pluseurs enchantemens.
Consideré que pluseurs gens À de ses disciples lez lui Et avec ce que au jourduy On ne se scet en qui fier, Car ne sçavons se couchier Nous vouldroit oire no marchant, Et aussi qu'on ne voit neant, Et que ne sçavons le chemin Pour aler en cedit jardin, 41400 Et aussi que nuls ne vouldroit De ce qu’a no loy toucheroit Riens faire sans vostre conseil.
C'est grant sens, point ne m’esmerveil
Se doubtez, le fait est pesant.
Mais que vous soiez aidant
D’ung pou de gens, nous le menrons
Seurement, point ne fauldrons,
Il ne me sçauroit enchanter,
Remede y sçay pour contrester, 41410 Mais que chascun me veulle croire :
Il nous convient ung peu de voirre
Pourter en nostre compaignie
Avec deux piez d’une arengnie,
Ung peu de sel et ung crapault,
Et avec ce avoir nous fault
Des cheveux d’un homme pendu,
La langue d’ung serpent velu,
Et la queue d’une couleuvre,
Et encoires pour faire bonne euvre 41420 Qui aurait l’ueil d’ung blanc corbel,
Homme n’est ou monde mortel
Qui sceut jouer d’enchantement,
Entre ou lieu saichiez vraiement
Ou seroient toutes ces choses
Qui en ceste boiste sont encloses, Je les ay pieça esprouvées Et avec moy seront portées, Je vous prometz.
LE IIIe PRINCE, Veuilliez attendre Ung petit et ce fait entendre
41430 II nous convient diligamment,
Jhesus aurons secretement Entretis que nostre commun dort, A noz gens fault bailler confort, Pour aux disciples resistence Faire se faisoient deffence, Envoiez tost querir des gens.
LE I JUIS DE THIRI
Messeigneurs, soiez diligens Me nous bailler gens en aide Avant que le prophete vuide Du jardin.
LE PREMIER PRINCE
Nous vous envoierons Querir gens hardis com lyons.
Picavet, or te lieve sus Et si t'en va querir Malcus.
Grauwart, Metallus et Briant, Et leur dis que je leur command Qu’armez viennent hastivement Devers moy atoute leur gent Pour mon honneur a ceste fois.
PICAVET.
Voulentiers, sire, je m’en vois.
41450 Je voy la cheux comme il me semble
Que je voy querir tous ensemble.
Adont vient aux dessusdiz soudars el dist :
Bon vespre ayez, gentilz galans, De par monseigneur vous commans Que prestement armez venez
Avec moy, et si amenez
Des compaignons fors et legers Pour combattre s’il est mestiers, Car sachiez qu’il m’a dit de bouche Que la chose a son honneur touche
11460 Pour laquelle a de vous a faire.
MALCUS.
Grant desir ay de lui complaire.
Compaignons, faittes voz aprestes, Vestez cuiraces et jacquestes, Armez vous et tous soiez prest,
On ne scet quel mestier en est.
Va moy querir Cathegonus, Serpentin et Diagonus
Fernagut et Diomedes,
Esveille les, qu'il soient prestz
MISTERE
41470 Et qu'armés viennent prestement.
LE VI* JUIS DE JHERUSALEM, Mais qu’armés soiez vistement, Saichiez, les iray esveillier.
LE II* JUIS DE JHERUSALEM
En cela ne fault sommeillier. Abrege toy et si t'en va,
Haste les et leur dy que ça Les attenderons ung bien pau.
LE VI® JUIS DE JHERUSALEM
Je m'en voy. Hau ! la ! hau ! hau !
Esveilliez vous, Cathegonus, Diagonus, tost levez sus,
41480 Armez vous tos, sus, Serpentin.
