LE VARLET HERODE

Tenez ce fol icy, tenez, A Pilate soit remené.

HERODE

Par vous tous me soit salué Pilate mon tres bon ami, Et lui dictes que tant qu’a mi Je sui a son commandement, Et lé remercy grandement Del honneur que portet il m'a, Et lui dictes que ce fol n’a

Cy raconte sainct Jehan l'évangeliste à Notre Dame comment les Juifs tiennent Jhesus

son fils.

S, JEHAN

Doulce cousine, soiez sage, Et portez debonnairement

La tristesse et le grant tourment

Que par moy vous sera noncié.

Jhesus vo filz, bien le sachiez, Est es mains de ses anemis, Enmené l'ont ces faulx Juifz 13820 Qui le heent mortellement, Je ne sçay maniere comment Il en porra vif eschapper.

Hé my ! mon filz, dur et amer

Me sont cil mot et ces nouvelles !

Helas ! doulz pere qui m’apelles

Ta doulce mere tous les jours,

Moult ay au cuer de grans dollours.

Se c'est vray que tu soies prins

Des Juifz comme mes cousins 13830 Me dist, que nient ne le diroit,

Que bien sçay se ce vray n’estoit,

Hé my ! mon filz ! hé my ! mon pere !

Que fera ta dolente mere ?

Aymy ! vray Dieu de Paradis !

Ha, tres doulx filz ! ha, mes amis !

Tant suy pour toy lasse et dolente !

En toy avoie mis m’entente, À toy nourrir et eslever :

Jete pers ! Las, Dieu, conforter

43840 Vueilliez moy, se c’est vo plaisir,

Ou moy bientost faire morir.

Las ! je pers mon espoir, ma joie Ha ! doux filz, quand je te veoie,

Nul mal ne me pouoit venir,

Veulle moy, doulx filz, secourir.

Ha ! faulx Juifz, faux mescreans,

De tout bien faire recreans Courcié m'avez grandement.

S. JEHAN

Douilce dame paciemment 43850 Portez ce dueil et le souffrez,

Et plus doulcement que porrez, Se ferez bien, je vous en prie.