NOSTRE DAME EN PASMANT

Helas ! mon très doulx filz, aye |

MISTERE DE LA PASSION

Comment ! qui t'a si eslongiet ?

Hé ! faulx Juifz, faulx renoiet, Mettre vous le volez a mort !

Las ! ou aray je confort ?

Mon tres doulx filz, qui me porra Reconforter, quant je t’ay ja

13860 Perdu en ta force et jonesse ?

Las ! que mon cuer sent de tristesse Quant te sens es mains des Juifz !

Doulce dame laissiez voz cris,

Levez sus et vous appaisiez,

Se Jhesucris que tant amez

Vo filz est des Juifz hays,

Et supposet que d’eux soit pris,

Encore n’est pas mis à mort.

NOSTRE DAME

Helas ! ad ce bien je m’acord,

13870 Mais je sçay bien certainement

Que les Juifz mortellement

Le heoiïent passé long temps,

Et qu’ilz estoient desirans

De le sousprendre par parolle, Quant leur monstroit leur vie folle.

Chemin ou voie ont querrut

Affin qu'a mort condampné fust.

Doulx filz, doulx pere, que feray ?

Vray Dieu, vray homme, ou iray ?

13880 Très doulx filz, je murrai ! aymy !

Le cuer me fault, las ! quesse cy !

‘Ha mes amies ! ha vray Dieux !

Adonc chiet pasmée comme dessus.

Jehan, soiez bien ententieux Entre nous trois je vous en prie Entour de la Vierge Marie Qui ainsi se va demenant.

Doulce dame, je vous demant Que vous parlez ung peu à mi, Moult avez au cuer grand soussi

13890 Quant vous estes en paumison.