LS) OX
Marie, la doulce vierge mere, En la requerant humblement Que vers le Roy du firmament Luy plaise nous impetrer grace
5 Pour nous monstrer entierement
Ce qui nous maine en ceste place.
Du salut qui tout aultre passe, Dont Gabriel la salua,
La saluron sans plus d'espace, C'est: Ave gracia plena !
Qui ex Deo est, verba Dei audit.
Entendez bien ce que j'ay dit.
Ceulx qui sont de la partie Dieu En toute place et eu tout lieu
5 Voulentiers oyent sa parolle
Et y mettent pensee et cole, Ainsi que firent les bons sains
2 esperit.
Fe Gt
Qui de Jesu-Crist sont prochains.
S'ung l’autre aymerent tellement Qu’ilz en moururent a tourment, Comme sainct Laurens et sainct Sixte Dont la legende nous recite
Que si loyaulment s’entre-aymoyent Que leurs corps et ames livroyent À tourment, pour la foy haulcer Et pour saincte Eglise exaulcer.
Semblablement sainct Ypolite
Qui est ung sainct de grant merite, Qui tousjours sainct Laurens ayma Et Jesu-Crist, qu'il endura
Moult de peine et de travaux.
Tiré fut à quatre chevaulx
Et en quatre pars desmembré.
De ce soit chascun remembré Pour attendre jusques au bout, Affin que vous puissiés veoir tout.
Chascun y ayt le cueur enclin, Car le plus beau est a la fin.
Qui jusques a la fin sera
De plus beau en plus beau voirra, Et pourtant vueillez y entendre, Affin que tout puissiés comprendre.
Benoist soit il qui paix fera Et qui du cueur escoutera
fol. 2 © b.
fol. 2 v'u
55 Le fait du glorieux mistere.
Je ne vous puis pas tout retraire;
Vous le voirrés, si vous suffist
De monstrer en fait et en dit.
C’est ce pourquoy m’en passe atant, so Pour cause que le livre est grant.
Monstrer vous vueil les personnages,
Les joueurs, aussi les estages,
Affin que vous puissés entendre
Ce que nous vous voulons aprendre.
65 Cest habitacle cy presente Paradis, si nous represente.
La est celuy qui est dit Dicu; C'est raison qu'il y ait beau lieu.
Les anges sont autour de luy,
70 Qui le servent sans nul ennuy.
Philippe, l’empereur rommain,
Qui tout homme tient soubz sa main Est en ce hault palays assis.
Emprès luy Philippe, son filz.
75 Auprès d'eulx sont les chevaliers Qui moult sont orgueilleux et fiers; Ilz tiennent la loy des payens, Mais l’empereur est crestien.
Qui de mal serviteur se sert
sn La chevance ou la vie en pert, Comme fist iceluy seigneur Qui de Romme estoit empereur Par les trahistres dont se servit; La vie et l’honneur en perdit.
«5 La est Passevent, leur herault, Qui tantost aura faict ung sault.
Veez la de Gaulle ung grant roy Parmy ces gens en bel arroy, Et devant luy son messager so Fleurentin qui moult est leger.
Et deça est le deffenseur
ot
De Reims, eu grant bruit et houneur; Auprès de luy ses escuyers Qui sont tres vaillans souldoyers
Après voyez la le demaine De la grant contree d'Espaigne Ou est Servant, le noble prince, Sa femme et toute sa province, Lequel de sainct Laurens fut pere.
Auprès d’eulx le filz de son frere Lequel fut sainct Vincent nommé, Entre les sainctz bien renommé.
Devant eulx est leur poursuivant Legeret qui moult est sçavant.
Decius est en ceste part,
Plus fier et plus fel q'ung liepart; Avec luy sa chevalerie,
Tous payens et de malle vie.
Par luy mourra à grant douleur Philippe, son loyal seigneur,
Et aussi Philippe, son filz.
Et en ce lieu si sont assis Quatre maulvais garçons tirans, De tout mal faire desirans:
Ficramort et Bruslecosté Qui vont plus tost que la posté, Maulevault et Malengrongné,
A tout mal faire embesongné.
En ce lieu demeure et habite Le sage prevost Ypolite Qui a la garde des prisons De ceulx qui ont faict mesprisons; Avec luy sa femme et famille En belle ordonnance et gentille.
Vous pouez veoir en ce repaire Sixte, de Romme le sainct pere; Avecques luy son chapelain Justinus, homme d'honneur plein;
fol. 2 v'b.
95 la manque. 107 Auecques. 120 tressage. 123 Auecques.
Urban aussi, le secrettaire,
130 Qui est homme de bon affaire.
La bonne veufve est en cest estre, Qui pour l’amour du roy celestre Loge les povres mandieus Que vous voyez illec gisans.
Veez l’orfevre en ce bas lieu, Lequel maintient la loy de Dieu, Qui par amour et vraye concorde Revela le corps de Concorde Que les felons tirans mauldis 140 Avoient getté dedans ung puys.
En ceste partie est Enfer Ou sont Sathan et Lucifer, Belial et Bellezebuthz Qui aux pecheurs font maintz abus, 145 Ou est Astaroth aussi bien Qui jamais ne pense nul bien.
PHILIPE empereur commence.
Premier eschaufj ault.
Seigneurs barons, entendez moy!
165 Vous sçavez bien comment le roy De Gaule tient son heritaige Dessoubz nostre empire, il est vray.
Mander luy vueil et sans deloy Que tost nous viengne faire hommaige
170 Ét nous payer nostre truage,
Luy et les gens de son ostaige, Promptement, si voyt que bon soit.
Il congnoist bien, chascun le scet, Qu'on m'a de Romme empereur fait
135 Par election des Rommains;
Ainsi son hommage me doyt, Comme aux empereurs il faisoit, Puisqu’il est suget soubz mes mains.
Jesu-Crist, le hault roy celestre,
Nous gard d'aller en si vil estre!
Ma division est finee.
Je requier la Vierge honoree
Que nostre fait prengne a plaisir,
Et de jouer ayons loysir.
Je vous requier a tous et pry
Que ne faciez noyse ne cry,
Mais bonne paix nous veuillez faire;
Chascun n'a que sa langue a taire.
Je parlasse plus longuement,
Mais le temps et l'heure me prent,
Car moult est long nostre mistere,
Parquoy j'abrege ma matiere.
Je vous requier a tous silence,
Et qui doyt commencer commence,
Et entende chascun à soy.
fol. 3 © a.
Mander luy fault, soit pres ou loings, Qu'il viengne pour faire ce faict:
Faire foy, hommaige et son faict; Ou aultrement qu'il soit certains D'estre combatu et attains
Et de son hault honneur deffaict.
Si tost après son raport faict, Nostre edit mettrons a effect
Et luy osterons le heaulme.
Mander luy fault sans plus de plait Que, se nostre plaisir ne faict,
Il nous rendra terre et royaulme.
VALERIEN, prevost de l’empereur.
Par Apolin et par Dyane,
Cher sire, c’est bien advisé.
Soit faict com avez devisé,
143 belzebuthz. 145 Et astaroth. 180 Qui. 186 metterons.
fol. 3 r°'b,
Et s’il ne vient incontinent
195 Faire l’hommaige, vostre gent Manderez, et l’yrons conquerre En destruisant toute sa terre.
Mandez luy que, s’il vous denyec L'hommage, qu'il prengne journee Sur les marches de son party, Et après ce vostre ost party Sera tantost pour l’aller prendre, Se tel follie veult entreprendre, Car vous estes assez puissant.
Rommaix, .I. chevalier.
205 Sire, Je suis bien souvenant
De ce que j'ay veu es cronicques De Romme qui sont autenticques, La ou il merque que les roys
De Gaulle sont d'anciennes loix Subgetz a l'empire de Romme,
Et le cepstre et la couronne Tiennent dessoubz ceulx de l’empire, Et qu'ilz vous doibvent, a voir dire, Obeissance, foy et hommaige,
Et ticnnent, en payant truaige, Toutes leurs terres des Rommaius.
Tarquix, .IL. chevalier.
Il est vray, j'en suis bien certaius;
Mainteffoys les ay veuz venir
A Romme faire le plaisir
De voz aucesseurs trespassez,
Et pourtant, s’ainsi trespassez
Ce faict, sans les faire venir
Vers vous, plus ne vouldront tenir
Dessoubz la seigneurie rommaine.
225 Pour ce faict il fault mettre peine Qu'on en saiche leur voulenté.
ARCULÉS, .111. chevalier.
Pas ne seroit en leur posté
Tenir contre vostre puissance ;
S'ils ne viennent a obeissance, Leur terre aurons tost conquise.
Mander luy fault par bonne guise Que tantost vous envoye l’hommage Qu'il vous dovt, ou a son dommaige L’envoyerez par dela querir
Et son royaulme conquerir,
Ainsi comme avez proposé.
Il ne sera pas si osé
De vous denier son hommage,
Et s’il le faict, vostre message
Luy termera jour pour combatre Sur ce point.
fol. 3 a.
L'EMPEREUR
Plus n’en fault debatre.
Faict sera comme l'avez dit.
Ja par moy n’en serez desdit, Car vostre conseil est tresbon; Moult en acroistra vostre nom Du bon conseil que me donnez.
Passevent, or vous vordonnez:
Je vueil que sans dilation Allez faire summation Au roy de Gaule incontinent, Et luy dictes que promptement Nous viengne son hommaige faire, Et qu'il viengne comme loyal Au hault palays imperial.
Et qu'il amaine son ostaige Quant et luy, pour nous faire hommage, Ainsi qu'il est acoustumé Et qu’en cscript l'avons trouvé, En noz grans cronicques de Romme, Ou il met qu'il est nostre homme.
fal, 3 v° b.
Les roys qui ont ses ancesseurs Esté ont faict aux empereurs Hommaige de leur seigneurie.
Se tu voys qu'il ne vueille mye 265 Venir, assigne luy journee A la my-may, et adjournee Sera ma gent pour le combatre.
Nous yrons son orgueil abatre À Celonc, s’il n’est obeissant.
PAssSEVENT, Messager.
270 Fait sera, hault seigneur puissant, Puis qu'il vous plaist a commander.
Et si vous plaist plus rien mander, Je l’acomplirav, trescher sire.
L'EMPEREUR
Dy ce que tu m'as ouy dire,
275 Sans luy estre trop obeissant,
Car je me sens assez puissant Pour bien l’admener a raison.
Vas t’en à Dieu, il est saison Que tu faces ta diligence.
280 Tous les roys m'ont fait obeissance Sinon luy; j'en suis mal content.
Je ne sçay pourquoy il attend, Mais par le Dieu en qui je croy, S'il y reffuse tant ne poy,
285 Nous luy ferons dure bataille.
Sus! Valerien, que on luy baille Deux marcs d'argent pour sa despence.
| V'ALERIEN.
Voulentiers, hault prince. Tien pense De diligenter a ton faict.
290 Soit tost ton voyage parfaict,
Si bien que tu n’en ayes reprise.
272 Si. 9286 quon. 812 et le d.
PASSEVENT.
Hault empereur que chascun prise, Je vous mercie cherement.
À Dieu vous command, chere gent, Je voys faire ceste entreprise.
L'EMPEREUR
Contenté seras a ta guise, Se tu acomplis mon talent.
PASSEVENT.
Hault empereur que chascun prise, Je vous mercié cherement.
L'EMPEREUR
300 Par toy soit la journee mise, S'il desobeist nullement; Et puis t'en vien hastivement,
Si sera ma gent aux champs mise.
PASSEVENT.
Hault empereur que chascun prise, 305 Je vous mercie cherement.
A Dieu vous command, toute gent,
Je voys faire ceste entreprise.
11 s'en va vers le pays de Gaule.
DERVANT, Chevalier, pere de sainct Laurens.
Le second eschauffault.
Dame plaine de grant franchise,
Il fust bien temps, quant je m'advise, 310 De pourchasser aucun bon maistre
Par qui aulcune science aprise
Fust a nostre filz, et devise
À luy faire entendre la lettre.
Il se prent tresfort a congnoistre, 315 Parquoy il est temps de le mettre
fol. 4 r' a.
fol 4 rh.
Soubz aulcun qui luy monstrera.
De ce nous devons entremettre, Tant comme nous sommes en estre, Car nul ne scet combien vivra.
Quant en jeunesse on l’instruira, Ce sera ce qui destruira
Les vices, et en bonnes meurs Par chascun jour se nourrira Dont a vous a la fin rira,
Et qui à bien ne le duira,
On en gettera plains et pleurs.
CLauDir, mere sainct Laurens.
Quant j'ay entendu voz clameurs, Mon bon seigneur, garny d’honneurs, Vous m'avez toute resjouye.
Helas! que j’auroyc grans douleurs, S'il n’estoit duyt en bonnes meurs!
— — 0ys bien mere marrie
— — que de son bien merie.
Je vous requier du cueur et prie Qu’a ce faict vous remediez,
Affin qu'on luy baille industrie
Qui a tout bien faire l’instruye; Je vous pry que y pourvoyez.
Draco, escuyer.
Sire, vous oyez et voyez
Qu'il a aage bien convenable
Pour avoir ung maistre honorable Qui luy monstrera doulcement,
Et vous sçavez certainement
Que l'en doyt instruire en jeunesse Enfans. Qui attent en vieillesse, On n’en peult bien venir a chef, Et ce seroit ung grant meschef Qu'enfant de si bonne maison
349 pas manque
Ne fust pas instruit par raison, Tandis que avez lieu et temps.
SERVANT
Vous avez parlé par bon sens, Dyago, dont je vous mercie.
Je vueil que l'en y remedie, Tandis que nous sommes en estre.
Faictes tost venir en cest estre Le herault affin de parfaire Cest edit.
Dy4ao.
Seigneur debonnaire, Je le voy emmy ce palays.
Tantost faire venir le voys, Puys que de luy on a mestier.
Il appelle le messager:
Hau! Legeret!
LEGERET, Messager.
Franc escuyer, Que vous plaist il? Qu’avez a faire?
S'il est rien que je puisse faire
Pour vous, prest suis de l’acomplir, Et si me submetz a emplir Tout vostre gré entierement.
Drago, escuyer.
Vien ça tost et hastivement!
Monseigneur a de toy affaire.
LEGERET.
G’y vois, hault seigneur debonnairc.
On m'a dit que me demandés; Dictes sur moy et commandés, Et tantost acomply sera.
SERVANT, Pere de Laurens.
Or eutens! Voicy qu’on fera:
ful., 4 v'u.
ot
fol. 4 v° b.
Il te convient en chemin mettre Pour aller querir aulcun maistre, Garny de prudence et de sens, Par qui les presens et absens Seront en paix entretenus
Et bien riglés et maintenus
En paix, en amour et justice,
Car j'ay grant desir qu’on instruisse Nostre filz en mainte science,
Qu'il en ayt meilleur conscience, Plus saige et meilleur envers Dieu.
LEGERET.
Il ne fault que dire le lieu
Ou il est, ct je l’iray querre
Et si ne cesseray d’enquerre
Tant que l’aye trouvé tost ou tart.
Il ne fault que dire la part,
Et j'en feray la diligence.
SERVANT
Tu t'en yras droit a Valance
La grande et la trouveras
Ung maistre auquel tu diras
Que treshumblement je luy prie Qu'il viengne à moy ceste partie,
‘ Affin qu'il instruie mon filz
Et son cousin, et que je suis Celuy qui bien le soubdoyera.
De moy si bien payé sera Qu'il devera estre content.
Pars tost d’icy et plus n’atent.
À Dieu! Que fusses revenu!
LEGERET.
Je seray allay et venu
Dedans trois jours, se Dieu me gart.
402 Plust a. 412 Et quil.
Le chemin, le lieu et la part
Je sçay de pieça tout par cueur.
Quant vous plaira, puissant seigneur, Je partiray de ceste terre.
CLauDie, mere de Laurens.
Mon amy, je te vueil requerre Que tu faces bien le message, Et lüy dy comme bon et sage Qu'il aura bon gage de moy.
LEGERET.
Je luy diray en bonne foy Puis qu’il vous plaist, tresnoble dame ; Servir vous vueil de corps et d’ame En tout ce qui sera possible.
En moy bien seroye incensible, Se je le faisoye aultrement.
CLauvote baille argent et dit:
Tien cy, vela ung marc d’argent, C'est ung pot de vin de par moy.
Draco.
Aussi voila de par le roy UÜUng marc d'argent pour ta despence.
Je te requier, mon amy, pence De toy haster legerement.
LEGERET.
Je vous mercie cherement, Trespuissant seigneur et cher maistre.
Partir me convient de cest estre;
A Dieu vous commant, prince gent.
SERVANT
Cela n’est pas pour ton payement.
Mieulx auras, se dois tu congnoistre.
fol 5 ra.
LEGERET.
Je vous mercie cherement, Trespuissant seigneur et cher maistre.
