CLAUDIE
Or te haste legierement Ou non de Dieu, le roy celestre, 435 Affin que nous puisse apparestre Comment tu seras diligent.
LEGERET.
Je vous mercie cherement, Trespuissant seigneur et cher maistre.
Partir me convient de cest estre; 440 À Dieu vous comment, prince gent.
SERVANT #ere.
Va t'en a Dieu!
LEGERET.
Dame au corps gent, À Dieu qui vous ait en sa garde!
Adonc s'en va devers le maistre d'escole, et Passevant") dit devant l'estageduroy de Gaule, et Ancelot descent et va emmy les champs.
PassevanT devant le roy de Gaule, et dit:
(III. eschauffault).
Quant je pense bien et regarde A mon fait, je ne puis aller 445 À la court du roy sans parler A aulcun homme de la court Affin de faire mon fait court.
Je vois parler a ce jeune homme Et luy depriray qu’il me donne 45o Conseil com je pourray entrer Devers le roy pour luy monstrer Le fait qui en ce lieu m’amaine.
Il va a Ancelot et dit:
Monsieur, Dieu vous garde de paine!
Deux motz a vous, mais qu’il vous plaise.
ANCELOT, .1. escuier.
Bien viengnés. Dictes a vostre aise Que vous fault, messager abile.
PASSEVANT.
Je quiers le roy; et ou est ile?
S'il vous plaist, si le m'enseignés, Et par devers luy me menés,
Et bien vous pairay vostre peine.
fol, 5 r° b.
ANCELOT
Il est au Louvre.
PASSEVENT.
Qu'on m'y maine:
Je vous en prie cherement.
ANCELOT
Je vous y merray doulcement.
Ja n'est mestier que on m'en prie.
PASSEVENT.
Monsicur, je vous en remercie:
Je suis bien tenu de ce faire.
Ancelot et Passevent, vont devant le roy,
et dit Ancelot:
ANCELOT
Hault roy, seigneur de bel affaire, Dieu vous doint sa voulenté faire Et vous envoye honneur et joye!
Ce herault je vous aconvoye
Vers vous pour ung message faire.
438 cher manque. 440 prince et g. 450 comme. 453 gard. 464 quon. 465 mercie. 470 Veez ce h. que jac.
1) manque dans le terte.
LE Roy DE GAULE.
Ancelot, amy debonnaire, Fais le entrer en ce repaire, A celle fin que on le voye.
PassevenT, @ genoulz, dit: (il s'agenouille) 475 Hault roy puissant, de bel affaire, Dieu vous doint sa volenté faire Et vous envoyc soulas ct joye!
LE Roy.
Messaiger, sans lonec sejour faire Licve sus et si nous prophere 480 Ce qui t’'amaine ceste voye.
Dy tost, affin qu'on y pourvoye Promptement; ainsi se doit faire.
Il se lieve.
PASsEVANT, en soy levant.
Hault roy, seigneur de bel affaire, Dieu vous doint sa voulenté faire toi. 5 wa. 485 Et vous envoye soulas et joye!
ANCELOT
Ce herault je vous aconvoyc Vers vous pour ung messaige faire.
LE Roy.
Avance toy, si nous declaire Le fait qui en ce lieu t’amaine.
PASSEVENT.
490 Trespuissant roy de ce demaine, Philippe, l’empereur de Romme, Qui vous tient et clame son homme Vous mande, treshault prince sage, Par moy qui suis le sien messaige,
495 Que sans delay ue sejour faire
480 Qui.
Vous luy veniés hommaige faire, Ainsi qu'ont fait voz ancesseurs Aux aultres deffuntz empercurs,
Car tous temps soubz leur maintenue Est Gaule gardee et tenue:
Il n’est memoire de contraire;
Et pourtant, hault roy debonnaire, Je vous somme de par mon sire Qui maintient de Romme l'empire, Que vous luy veniés faire hommage Et luy transmettés le truage
Que vous luy debvés de long temps, Ou sinon de par luy pretens
À vous assigner la journee
À la my may, car son armee Envoyera pour avoir la fin
Devant Coulongne sur le Rin
Qui est de Gaule la frontiere.
C'est la sommation entiere
Ou mon pouoir est contenu.
LE Roy.
Messager, j'auray optenu Conseil es nobles de ma terre, Avant que j'enprengne la guerre Contre luy pour ceste semonce.
Tu ne peulz avoir ta responce D'icy a .XV. jours ou tant, Mais tu seras payé content Pour tou sejour, n'en ayes doubte.
fol. 5 v° b.
PASSEVENT.
Trespuissant roy que je redoubte, Faictes a vostre voulenté,
Mes que je soye diligenté; Je ne vous requier aultre chose.
LE Roy.
Sus! Ancelot, c’om se dispose
fol. 6 ra.
De le mener en la despence; 530 Je vous Commande c’om en pence, Et le festoyés grandement.
ANCELOT
Je le feray joyeusement, Quant vous plaist, puissant roy etmaistre.
Sus! messager, allons repaistre,
535 Tandis qu’on pensera de vous.
PASSEVENT.
Trespuissant roy, courtoys et doulz, Treshumblement je vous mercie.
Adonc vont hors de devant le roy, et Ancelot luy met la table, pain et vin, et tandis le roy parle a cés chevaliers et dit:
LE Roy.
Entendez cy, ma baronnie, Mon conseil, ma chevallerie, Affin que confort on me donne.
Ouy avez, n’en doubte mye, Se messager de Rommanie Et le fait de quoy il nous somme.
L'empereur dit que suis son homme, Mes quant à moy, je ne sçay comme Il entent, car je n’entent point Que suis subget a ceulz de Romme Ne que je tiengne la couronne Soubz eulx: il ne se fera point.
Nvz ancesseurs ne nous ont point Obligés a tenir ce point, Quelque chose qu'ilz aient deu faire; Leurs façons ne nous lient point.
Se de tel chose nous contraint, Si ne lui fault il pas complaire.
Gaulle est trestout mon repaire;
Vueil l’afranchir de vitupere,
C'est du servage des Rommains; Point ne leur vueil hommaige faire, Mais le vueil a l’espee clere Deffendre de mes propres mains.
Mes chevaliers et mes prochains Conseilliés moy, car trop remains A leur en mander la responce.
Nous aurions les cueurs trop vains, Veu que nous sommes fors et sains, D'obeir a telle semonce.
Orivier, .I. chevalier du roy.
Avant que le soleil resconce,
Je vous en diray mon advis.
Trespuissant roy, certes je vis Au temps du feu roy vostre pere Qu'ommage leur envoya faire Oultre la mienne voulenté; Onques n’en fut entalenté,
Et encor, se me voulés croire, Vous luy manderés que sa terre Garde, et que garderés bien
La vostre sans aultre moyen
De luy ne de son alliance,
Car vous avez assez puissance Maintenant, si ne vous empire, Pour combatre toute l’empire.
Mandés luy, hault roy debonnaire, Que ne voulés hommaige faire
A luy ne aux princes rommains, Et que maintenés en voz mains Vostre royaulme et tout vostre estre, En deffendant de la main destre L'hommaige qu’il va demandant,
550 Que voulez estre deffendant
Au jour dit, ad ce qu’il demande. fol. 6 x b.
541 je nen. 557 Vueil afranchir de se v. 586 Et maintenues. 589 qui va. 590 Et que.
Gi80N, .II. chevalier du roy.
Considerez ce qu’il demande.
Il veult que soyez son subget Mais, par le Dieu qui tout a faict, Se vous en faictes a ma guise, Jamais hommaige ne service N’aura de vous, sinon par force; Et se de l'avoir il s’efforce, Nous luy merron si forte guerre Qu'il s’en refuira en sa terre; Pourtant, s’il a termé journee, Ne vous chault; mandez vostre armee, Et soit combatu au lieu dit.
Messire Olivier ja desdit N’en soit de ce qu'il vous conseille, Mes commandés c'’om s’appareille Pour soy trouver a la journee.
TaLLEMEN, .L11. chevalier.
Puissant roy de grant renommee, Veu que tant estes redoubté,
Vostre honneur sera rebouté,
Se vous faictes telle obeissance
Aux Rommains; ils n’ont pas puissance Pour tenir contre vous bataille,
S'il convient que on vous assaille; Mais que vous mandés voz subgetz.
En brief temps seront deslogetz, Car vous avez des plus vaillans Chevaliers et mieulx bataillans
Qui soyent aujourdhuy en ce monde.
Mander fault par tout en la ronde Que voz gens se mettent en point.
Aultrement ne conseille point
Que ja vous luy payés truage, Jamais pour rien qu’il puisse faire.
LE Roy.
Vostre conseil me doit bien plaire,
4 14 quon. 627 faict.
Quelque chose que mon feu pere Ayt faicte, si ne veulx je mye Asubgectir nostre repaire
Aux empereurs de Rommanie.
L'hommaige a l’espee fourbie Luy ferons, s'en ceste partie
Il vient, ne luy ne ses vassaulx; Maint Rommain y perdra la vie.
Mander vueil nostre baronnie Pour resister a leurs assaulx.
fol, 6 v° a.
OLIVIER
Il fault envoyer voz heraulx
Sur les champs a voz souldoyers, Affin qu'ilz soyent prestz et legers Pour venir a ceste journee.
Que vostre gent soit adjournee, Affin que chascun soit pourveu De harnoys, car homme impourveu Ne peult faire belle entreprinse.
LE Roy.
Pour fournir a celle entreprinse, Taillemen, faictes nous venir Nostre herault pour parvenir Au hault faict qu’entreprins avon.
T'AILLEMEN.
Faict sera, hault prince de nom, Je le voy emmy ce palais.
ll Pappelle en disant:
Florentin!
FLURENTIN, messager.
Chevalier courtois, Que vous plaist il, s’il est a dire?
fol. 6 v° b.
T'AILLEMENM.
Venez tost au roy, nostre sire,
Car il a a parler a vous. 685
FLORENTIN va au roy et dit en allant:
À luy m'en vois. Hault prince doulx, Dicu vous envoye honneur et juyc!
LE Roy.
Bien veniez: je vous demandoye.
Il vous fault aller par ma terre Affin de mes souldoyers querre.
Assemblez gens de toutes pars, Et qui soyent à la my mars En ceste ville de Paris Pour les Rommains qui ont empris Encontre nous une journee, Et pourtant convient qu’adjournec Soit nostre gent a celuy jour.
Gardez vous de faire sejour, Tant que nostre ost soit assemblé, Et que nostre edit soit cité A nostre deffenseur de Reims:
Il congnoist le faict des Rommains, Car pieça leur a faict bataille.
Dictes luy bien, comment qu’il aille, Qu'il soit en ce lieu au jour dit Et, pour parfaire cest edit, Qu'il amaine ces souldoyers, Ces vassaulx et ses cscuiers Pour parfaire ceste entreprinse.
Allez, gardez vous de reprinse Et diligentez promptement.
Que on luy baille largement Or et argent pour sa despence.
FLORENTIN
Puissant roy de grant excellence,
662 entrepris 66S recite.
Vostre command acompliray
Et parmy le royaulme yray Assembler tous voz gens de guerre, Et les feray venir bonne erre
Par devers vous, tresnoble sire.
Vous plaist il aultre chose a dire, Noble roy qui Gaule regente ?
Le Roy.
Herault, mon amy, diligente,
Affin que nous soyons à temps
A Coulongne. Homme n'atens, Tant qu’ayes faict ton entreprinse.
ANCELOT. | Tien ey, garde toy de repriuse.
Vela cinquante escus, tens mains; Se c’est peu, si en pren à Reims Dur le recepveur de la terre, Et luy dy que tu vas pour querre Les gens d'armes de ce party.
fol. 7. r'a.
FLORENTIN
Tantost seray d'icy party, Tres noble roy de cest empire.
Je m'en vois ces nouvelles dire Au noble deffenseur de Reims; C'est le plus vaillant des humains.
Pourtant a luy yray premier.
A Dieu, puissant roy droicturier Et toute vostre compaignie!
LE Roy.
Ne sejourne, mon amy cher.
A Dieu!
FLORENTIN
Puissant roy droiturier,
fol. 7. r° b.
710 Avant qu'il soit ung moys entier, Verrez belle chevalerie.
A Dieu, puissant roy droicturier Et toute vostre compaignie!
Il s'en va.
Pause.
Le Roy parle au herault des Rommains:
Franc messager de Rommanie,
Il vous en convient retourner.
Longtemps vous ay faict. sejourner En ce lieu cy en attendant Vostre responce. Or suis tendant De vous dire ma voulenté
Sur ce que m'avez relaté.
Vostre maistre voulsist qu’ommaige Luy feisse en payant truaige,
Ou que je preigne la journee
Qui par luy a esté termee
Devant Coulongne sur le Rin.
Pour parvenir a une fin
De tous les faictz que je recorde, La journee je luy acorde
Au jour auquel il l’a termee.
La seray moy et mon armee
Pour luy payer treu et hommaige, Mais ce sera a son dommaige, S'il plaist a Dieu de Paradis.
Je manderay tous mes amys
735 À ce jour sans que nul en faille Et luy presenteray bataille
Au dit lieu; de ce soit certain.
Dictes a l’empereur rommain
Qu’aultre hommaige de moy n'aura.
PASSEVANT.
740 Tres voulentiers dit luy sera,
: 727 que recorde. ‘752 la main d.
Trespuissant roy de ce demaine.
Quant vous plaist, ce ne m’est pas peine, Mais le feray benignement.
Il me poise certainement Qu’ensemble doyez avoir guerre.
LE Roy.
Il veult asubgectir ma terre
A tenir soubz sa maintenue,
Mais de luy ne sera tenue
Jamais, tant que soye vivant.
Je la tiendray dorenavant
Contre tous a la main senestre,
Et la deffendray a la destre.
France sera dicte et nommee
Une foys. De Dieu et l’espee
La.tiendray, non pas des Rommains.
Ja n’auray couraige si vains
Que jamais a eulx m’asubgette.
Encontre eux mettray tel guette
Qu'ilz seront tous mors et confus.
Ancelot, six couples d’escus
Luy baillez, affin qu’il s'en voise.
PASSEVENT. re
De vostre grant bonté courtoise
Treshumblement vous remercie,
Puissant roy de grant seigneurie.
Tout temps me doy de vous louer.
ANCELOT
Tien, galant, vela pour jouer!
Boute les en ta gibeciere ;
Tu en pourras faire grant chere, Car ilz sont bons, je le t’affie.
PASSEVENT.
De ce beau don je vous mercie,
fol. 7 v° b.
Puissant roy, sur tous redoubté.
De ce hault honneur et bonté
Je me loueray a mon bon sire.
Puissant roy, a Dieu vous vueil dire Et a tous voz nobles barons.
LE roy.
Pren en gré.
PASSEVENT.
Il doit bien souffire, Puissant roy.
ANCELOT
À Dieu vous vueil dire, Passevent.
PASSEVENT.
Se dessus l'empire Vous treuve, ensemble burons.
Puissant roy, a Dieu vous vueil dire Et a tous voz nobles barons.
Il s’en va.
Pause.
Lec RET, devant Valence, dit:
Le grant Dieu dont la loy tenons Soit loué de ceste arrivee!
Je voy la cité renommec
De Valence, com puis congnoistre.
Devant ce porche voy ung maistre; Je croy que c’est cil qui je quier.
Jesus. le pere droicturier,
Vous doint joye! Que l’on m’enseigne, Pour Dieu, maistre Pierre d’Espaigne, Car je luy viens faire un message.
785 comme. 812 puisqui leur. 813 Obeir leur v.
MAISTRE PIERRE
Gentil herault, courtois et saige, Vous soyez le bien arrivé!
Or me dictes cy a privé
Que vous avez de luy a faire.
LEGERET.
Esse vous?
MaisTRE PIERRE.
Ouy, mon beau frere, Pas ne doy regnier mon nom.
LEGERET.
Le prince qui Servant a nom,
Et Claudie, sa noble femme,
Vous saluent de corps et d’ame Et vous prient treshumblement Que vous veniez incontinent
Vers eulx pour enseigner leur filz Et ung des filz de leurs amys,
Et vous leur ferez grant plaisance.
MAISTRE PIERRE
Franc messager, par ta creance,
Se mon service leur veult plaire,
Je suis tout prest de leur complaire Et de monstrer a leurs enfans:
Si suis je bien peu souffisant
Pour entrer en si hault endroit, Mais puisqu'il leur plaist, tort ou droit, Obeir vueil en toute guise
Et me soubmetz a leur service,
Car j'ay bien mestier de leur grace.
LEGERET.
Allons vers eulx sans plus d'espace Et nous hastons legerement.
fol. 8 r° a.
MAISTRE PIERRE
Allons au roy du firmament Qui en brief nous vueille conduire Devers Servant, le noble sire, Ung des bons qui soit en Espaigne.
Pause.
Ilz vont devers Servant.
FLEuRENTIN dt devant Reims:
(Quart eschauffault.)
J'ay tant le pays de Champaigne Cheminé, que je suis a Reims.
J'en mercie Dieu a joinctes mains, Car ce m'est prouffit et honneur.
Je voy droit la le deffenseur
Qui est homme prudent et saige; A luy vois faire mon messaige, Tant comme je le voy a point.
Il va «a luy et dit de loing:
Le puissant Dieu qui es cieulx maint Vueille garder le deffenseur De Reims et luy envoye honneur Et a toute sa compaignie.
ARTUS, defjenseur.
Bien vicngne tu ceste partie, Gentil messager; comment va?
Aproche toy ung peu plus ça
Et puis me dis, s’il est a dire, Que faict le bon roy, nostre sire, Et trestout son noble tivel.
FLEURENTIN.
840 Tresbien le faict tout.
ARTUS
De nouvel
te
ŸY a aulcun cas qui t’amaine Par deca ?
FLEURENTIN.
Celle gent rommaince Ont fait sommer le roy, mon sire, De leur faire hommaige, a dire, Si ne leur envoye truaige, Qu’ilz luy viendront porter dommaige En destruisant toute sa terre.
Mais le roy a entreprins guerre Contre eulx et contre leur armee Et a la journee termee Devant la cité de Coulongne À la my may; c’est la besongne Qui m’'amaine en ce party.
Le roy vous mande que party Soyez tost et hastivement, Vous et trestoute vostre gent, Pour venir a celle journee, Car il y mettra telle armee, S'il peult, qu'il aura le dessus, Et pour ce faict mettez vous sus Et venez a luy promptement.
fol. 8 r° b.
ARTUS
Nous serons prestz incontinent, Fleurentin, ne t'en doubte mye.
Nous yrons telle compaignie
Que celle faulce gent rommaine En mourront a honte villaine.
Or sus! tres vaillans souldoyers Qui estes expers et legers, Mettez vous chascun en ses armes Et prenez haches et guisarmes, Car il fault aller sur les champs Pour mener guerre à ces meschans Rommains qui demandent bataille
fol. 8 v'a.
Ou soit d’estoc ou soit de taille.
Avoir la doibvent, c'est raison.
Aucer, .I. escuyer du deffenseur.
De s’abiller est grant saison, Car le terme forment aproche; Pour eviter a tout reproche, Tantost seray prest et en point; Se je leur faulx en aulcun point,
Je pry Dieu qu’au besoing me faille.
Pas n’atendrons qu’on nous assaille.
Si une foys les voy en place,
Je pry a Dieu qu'il me defface,
Si ne mauldiront la journee
Et l'heure qu’elle fut termee
Par eulx. S'ilz viennent jusques la, Mauldit soit il qui leur fauldra
Et qui les prendra a mercy.
J’ay dedans le cueur tout vercy Que je ne suis pieça armé
Et dedans mon harnois fermé
Affin de leur porter grevance.
Or sus tost! Que chascun s’avance De soy armer; je m’y en vois.
Remo, .11. escuyer.
Sus! gensdarmes, sus au harnoys!
Le temps nous vient et la saison Que nous aurons or à foison, Puis que la guerre se commence.
Je vueil mourir, se je n’agence Ses Romains, s’ilz viennent deca.
En guerre ne fus ja pieça; J’ay grant voulenté d’y aller.
Au mal gibet puisse il baller Qui n’a grant joye de la nouvelle; Resjouyr se fault: brie est belle; Nostre temps vient, la Dieu mercy.
886 fut onc t 913 entrepris.
Je n’ay des Rommains nul souley, Car en eulx n’a sens ne vaillance.
Or tost! gallans, chascun s’avance De s’abiller, il en est heure, Affin que allions courir seure
A ceulx qui ont le fait empris.
FERRANT, .{I1. escuyer.
Ilz en seront tous mors et prins, Avant que l’armce soit faillie.
Ont ilz ceste terre assaillie,
Par ce point ilz l’acheteront.
Le cueur de grant despit me ront Que nous ne sommes piecça la.
Aux champs verrons qui bon l'aura, Mes que nous soyons a la place.
Vecy mon harnoys et ma hache
De quoy present me vueil armer Sans delayer et sans termer
Pour aller en ceste entreprinse.
Puis qu’ils ont la journee mise, C'est nostre fait, nous sommes bien.
Je ne vouldroye pour nulle rien Que l’entreprinse ainsi ne fut.
Je ne craindray ne fer ne fu,
Se je suis une fois armé
Et dedans mon harnoys fermé;
A aultre chose ne pretens.
fol. 8 v° b.
Evusrace, .111I. escuyer.
Je seray armé en brief temps, Car vecy tout ce qu'il me fault; Aux Romains pense faire assault. Avant! avant! frans souldoyers Qui aux armes estes ligiers!
Penson tost de nous metre apoint.
Vecy mon harnoys bien en point De quoy present me vueil vestir.
922 Veez cy. 926 Puis qua coulongne ont.
Les Rommains feray amortir Qui vers nous ont si mal couraige.
Voicy armures davantaige
945 Dont je vueil la saisine prendre;
A ce fait pourrion trop mesprendre.
Haston nous, car le temps nous haste; Fol s’oublie et le temps se gaste; Pourtant se fault diligenter.
ARTUS, deffenseur.
950 Chascun vueille diligenter
De soy armer, si partiron.
AUGER
Pour mieulx le pays regenter Chascun vueille diligenter.
REMON.
Je ne m'en vueil pas exempter,
955 Deffenseur; tantost prest seron.
FERRANT
Chascun vueille diligenter De soy armer, si partiron.
EUSTACE
Jamais nous n’en departiron, Tant que nous soyon a la court;
960 Le terme d’y aller est court.
Il ne fault plus cy sejourner.
FLEURENTIN, Messager.
Seigneurs, il me fault retourner À Paris par devers mon sire.
Je luy vois ces nouvelles dire:
965 Que tantost viendrez devers luy,
À celle fin qu'il n° ait celuy Qui ne soit prest, quant vous viendrez.
966 qui ny ait. 968 atenderes.
Plus gueres icy n’atendrés, Au moins ainsi comme j'espoire.
ARTUS
Gentil messager debonnaire,
Dy que nous allon après toy
Tous en point pour complaire au roy En tout sen qu’il aura affaire.
AUGER
Nous yron ces ribaulx deffaire Qui luy veulent porter desroy.
REMON.
Gentil messager debonnaire, Dy que nous allon après toy.
FLEURENTIN, Messager.
A Dieu, tous ceulx de ce repaire, Qui vous vueille garder d’esmoy!
Ne sejournés point après moy, Car au roy en pourroit desplaire.
FERRANT
Gentil messaiger debonnaire, Dy que nous alon après toy.
EUSTACE
Tous en point pour complaire au roy En tout ce qu'il aura affaire.
Pause. Eschaufjault.
Fleurentin s’en retourne au roy, et le deffenscur et ses gens s'arment sans parler, et tandis dit PassevenT devant l’empereur:
Le grant Dieu soit en ce repaire
Qui vous envoit pris et honneur,
fol. 9 r° b.
Treshault et puissant empereur,
Et a trestout vostre bernage! 1020
L'EMPEREUR
Bien viengnes! Que dit le couraige, Gentil messaiger Passevent ?
Le roy de Gaule et son couvent Nous viendront ilz point faire homage Et nous payer nostre truage,
Ainsi qu'ont fait ces devanciers ?
PASSEVENT. 1030
Je le vous diray, sire cher.
Quant est au faict de vostre hommaige Et de vous payer nul truage,
Ne vous y veuillez point attendre, Car le roy est cil qui deffendre
Le veult. Dit le m'a de sa bouche Et m'a dit que c'est grant reprouche À vous qui estes crestiens
De faire comme les payens:
C'est de vouloir asubgeter
Sa terre. Il veult regenter.
A ce fait il a prins journee
Au jour que lui avés termec,
Et m'a dit qu’il vous deffendra
Ce truage ct ne tendra
Jamais que de Dieu et lespee.
Pourvoyez y, s’il vous agree,
Ainsi que bon vous semblera.
L'EMPEREUR
Par Jesus, y l’achettera,
Et si sera prochainement.
À il emprins tel hardiement En ce point, s’a esté follic.
Par Jesu-Crist, le filz Marie,
1031 aultre chose.
1008 que laues. 1016 entreprins.
1034 qui m.
Il n'en ÿra pas en ce point.
Passevent, va sans targer point Querre le guerrier Decius
Et Ypolite, et que tost sus
Facent mettre leurs gens de guerre.
Nous voulons quilz voisent conquerre Gaule et tous les environs
À la journee que nous avons Termee. Il en sera chefz,
Jaçoit que soit ung grant meschefz À nous que serviteurs payens Ayons qui sommes crestiens;
Mais aultrement n’en pouons faire :
En tous endroitz nous veult complaire Et est tres vaillans homme en armes; Si vueil qu'il maine noz gensdarmes A la journee qui cest dicte.
De uous aura bonne merite,
Mais qu'il face bien son debvoir.
Va luy par nous faire sçavoir
Qu'il viengne a nous hastivement, Et qu'il amainc toute gent
Qui vouldront gaige recepvoir.
PASSEVENT.
Tantost luy feray assavoir
Qu'il viengne a vous hastivement Et ses gens en habillement
Qu'il maine dessoubz sa banicre, Puis qu’il vous plaist, hault empiere.
Tout en present le vous vois querre.
V'ALERIEN.
Passevent haste ton bon erre
Et luy dy qu'avec luy amaiue Tous les subgetz de son demaiue, Et ils seront bien soubdoiez.
1049 quauecques.
fol. 9 +” a
fol. 9 v° b.
PASSEVENT.
De tout ce ne vous esmoyez,
Haulx seigneurs, car je feray bien
La semonce sans faillir rien.
A Dieu vous dy, je my en voys.
Il va. Aultre eschaufjault.
LEGErEeT, devant Servant.
Jesu-Crist qui est roy des roys Vueille garder la compaignie!
Puissant seigneur, je vous affie Que tantost voyrrés en cest estre Ung notable clerc et ung maistre Le plus excellent de Valance.
SERVANT, pere Laurent,
Tu as fait bonne diligence, De quoy suis grandement joyeulx.
MaistTRe PIERRE, « genoulx devant Servant.
Jesu-Crist, le roy glorieux,
Qui pour nous souffrit passion Maintiengne ceste mancion
En paix, en santé et lyesse
Hauit prince et vous, noble princesse, Ou m'a dit que me demandés.
Sen qu'il vous plaira commandés, Et voulentiers l’acompliray.
De vous servir grant desir ay,
Car j'ay mestier de vostre grace.
SERVANT
Bicn veniés vous en ceste place, - Maistre. Dieu vous envoye s’amour!
Vous me faictes ung grant honnour, Quant vers nous vous à pleu venir.
Bien m'en devera souvenir, Se vous avés de moy affaire.
CLAUDIE, mere.
Bien venez vous en ce repaire, Nuble maistre, garny de sens.
Levez sus, levez, entrez ens; Tel chose faire ne debvés.
MaISTRE PIERRE en se levant.
Grant mercy, je suis tout levés.
Commandés ce qu'il vous plaira, Je suis sil qui vous complaira.
C'est raison, car g’y suis tenu.
SERVANT
Maistre, avons ceans tenu
Deux enfans qui sont tous d’ung age, Si nous est venu en couraige
De vous envoyer querir, maistre, Car avec vous le voulons mettre Pour aprendre aucune science Dont auront meilleur conscience, Se Dieu plaist, au temps advenir; Qui peult en science venir,
On la doit aprendre en jeunesse; Qui attendroit en sa vieillesse, On serait bien fort a y duire; Et pourtant vous prion que duyre Les vueillés en la loy de Dieu.
L'ung est mon filz et mon nepveu Est l’autre, soyés en certain.
Ilz sont lung a l’autre germain Et sentr'ayment parfaictement Dont je suis joyceulx grandement, Car nous avons des biens assés; Je vons pry que vous en pensés, Et bien vous sera gardonné.
fol. 10 r° «à.
1063 quoy ie suis 1086 qui manque. 1088 nous auons. 1089 aage. 1092 auecques. 1096 Car qui. 1103 Et Jautre.
fol. 10 r° b.
LA MERE
1110 Que chascun soit bien ordonné En meurs, en science et honneur Pour congnoistre leur createur, Ainsi comme il leur apartient.
Je ne sçay qui tant hors les tient.
1115 Diago, faictes les venir.
Draao.
Quant de ce avés souvenir, Tost les aurés en ce repaire.
Les enfans sont devant l'hostel de leur pere, et Diago les va appeller.
MAISTRE PIERRE
Ma dame, j'en pense de faire Si bien que vous serés contente.
SERVANT
1120 Vous serés cy en ceste tente.
Pour vous et pour eulx la delivre; Vostre despence et vostre vivre Aurés a coup.
Muisfre Pierre.
Grant mercy, sire, De cest honneur me doit suffire.
1125 Dicu me doint vous servir engré!
LA MERE
Vous serés en plus hault degré Pourveu une heure qui vendra, Et tout ce qu’il vous conviendra Aurés; il ne fauldra que dire.
Draco apelle les enfans ct dit:
1139 Venés parler a vostre sire,
Laurens, et vous aussi, Vincent.
1133 il vous. 1140 mieulx v. 1144 Veez cy.
Il a ung bon maistre entre cent, A coup vous veult ouyr parler.
LAURENS
Je suis bien joyeulx d’y aller Pour aulcun bien de luy aprendre.
Alon a luy sans plus attendre, Nous sejournons trop en ce lieu.
VINCENT
Vous dictes vray, allons a Dieu Qui nous doint de luy concepvoir Science dont puissons valoir; C'est ce que je vueil et desire.
Ils vont avec Diago courant.
DraGo.
Dieu vous envoye honneur, mon sire, Et a tous ceulx de ce demaine!
Vecy les enfans que j'amaine,
Ainsi comme on m'avoit dit.
Nul d’eux n’y a mis contredit, Mais y sont voulentiers venus.
SERVANT, pere.
Sa, enfans, je vous ay pourveuz De ce maistre que cy voyez.
Or sus! tost voz livres prenez
Et vous en allez en celle estre, Luy et vous, et pensés de mettre Peine de si tresbien aprendre
Que puissés l'Escripture entendre.
Maistre, cestuy est nostre filz
Et cestuy cy est mon nepveu, Filz de mon frere, mais je veulx Qu'il soit traicté ne plus ne mains Que mon filz, car ilz sont germains; Ensemble sont par compaignie.
fol. 10 v” a.
LA MERE
Or aprenez bien, je vous prie, Et vous serez bien mes amys.
Or tost en debvoir soyez mys Comme enfans de bon affaire.
LAURENS
1165 Volentiers, ma dame ma mere, Se Dieu nous donne temps de vivre.
Mon cousin, prenez vostre livre,
Et allons avec nostre maistre.
VINCENT, en prenant son livre.
Je le tien ja en ma main destre.
1170 Allons nous en, quant vous plaira.
Ils s'en vont avec leur maistre, et le maistre se siet et dit a Laurens et a Vincent :
