A TRES VERTUEUSE DAMOISELLE L.D.P.D. DA

Sonnet.

Je sçay que l'on dira que je suis téméraire De vous avoir donné ce mien petit labeur, Qui n'a pour estre offert en luy nulle valeur, Et que présomptueux j'ay esté de le faire.

Vrayment, je le confesse et devois mieux me taire, Ne pouvant rien produire à vos yeux de meilleur. Puis qu'il faut chose haute à contenter un cœur Qui ne tient rien en soy du simple populaire.

Mais quoy! qui se resent par devoir engagé Et par tant de bien-faicts à ce faire obligé Ne faict rien s'il ne monstre y vouloir satisfaire.

Or, bien que de mon tout le tout soit comme rien, Si veux je neantmoins vous faire voir combien. Faisant ce que je puis, j'ay désir de vous plaire.

Vos y no mas.