JOANNES BAPTISTA ARCHITECTUS MAYOR. 23. APRILIS
Sa Majesté ne s'y trouva point, mais à la deuxiesme qui fust celle du corps de l'église, quelques quatre mois après le jour de Sainct Bernard, 20. d'Aougst, l'an susdict de 63. et, pour ce faire en toutte solempnité requise, y furent dressez et aornéz trois autelz, et y miz en terre un fort riche tapis de velour carmesy sur lequel Sa Majesté, après avoir faict son orayson, s'assied, et ce faict, y vint incontinent l'évesque de Cuença, fray Bernard de Frexneda, son confesseur, accoustré de pontifical, et descouvrant ladicte pierre qui y estoit sur l'ung desdictz aultelz, couverte avecq un très riche drap de soye enrichi d'or et d'argent, jecta sur ladicte pierre sa bénédiction, et estoient sur les quatres planes ou quarrures d'icelle gravées quatre croix rouges, et ceste bénédiction ainsi faicte, selon l'institut du pontifical, la prindrent les devant nommez prieur et vicaire, et allans avecq le mesme en forme de procession, la portarent vers le lieu designé ou icelle se debvoit planter et mettre, qui fust dessus une aultre qui y estoit desia
mise plus grande, aussi signalée de quatre croix, comme la susdicte, et pour la veoir devaller s'y approcha Sa Majesté accompaingné du ducq d'Alve, de don Fadrique de Toledo, son filz, le comte de Chinchon et marquis de las Navas, et plusieurs autres seigneurs de chambre, mayson et court, et y assistarent tous jusques à en achever le divin office. Geste pierre fust mise aux mesmes fondamens desoubz la porte qui y est entre le portai de la sacristie et la porte à treilliz par laquelle Ton entre doiz ladicte sacristie en Teglise, marquée au plant, qui cy après se mettra par la lettre P., quasi à l'opposite de l'eaue benicte qui y est à la main droicte de l'entrée de la dicte sacristie. Toutte ceste fabrique s'alloit ainsi continuant et, au bout de neuf ans, se parfict l'église, qui maintenant est appellée la Vielle, signalée audict planct G. G., et tout le circuyt de la court où les deflFunctz, signalé + + + "•[-> s'enterrent avecq grande partie du quartier du midy, tellement que l'onziesme du mois de Juing de l'an 1571., jour de Sainct Bernabé, passarent les mo3'snes au nouveau monastère, et deux jours après, consacroit le susdict evesque leur église et les cloistres, et pans de leur demeure, y faysant un fort docte sermon en présence de Sa Majesté, sur l'exemption, le respect, et révérence qui se doibt porter à la saincte mère église. En ceste église furent incontinent depositéz tous les corps morts des royz et et iceulx y transférez de plusieurs endroictz, sçavoir est, le 7. de Juing 1573., y furent apportez les deux corps de feuz les ser"" prince don Carlos, premier fils de Sadicte Majesté, et de la royne, sa troisième femme Yzabelle, fille de France, qui jusques lors avoient reposez en la ville de Madrid. Le 4. de Febvrier 74., les corps de
Les moynes pasà leur nouveau monastère.
Aucuns corps morts de royz se transportent en la nouvelle église pour y estre depositéz.
La dernière pierre se met et tout cest édifice s'achève en 22 ans etc.
rempereur Charles le V et de sa femme Timperatrice, Tung du monastère de Sainct Jherome de Sainct Juste, et l'autre de la chappelle royalle de Granada, et quand et eulx les cors des ser™" roynes de France et Hongrie, sœurs audict empereur et les infans don Fernando et don Juan, ses filz, frères à Sa Majesté, et ainsi en différentes occasions y furent apportez les restans qui furent de la ser™* royne donna Maria, tous enfans de Sadicte Majesté. Item des ser°" princes Wencislao, nefveu de Sa Majesté et monseigneur don Juan d'Austria, filz de feu l'empereur et celluy de la ser™* royne donna Ana, quatriesme femme de Sadicte Majesté, qui tous y furent miz comme d'emprunt, jusques à ce que le lieu designé pour leur sépulture y fust accommodé et parachevé. Et s'en allant ainsi continuant, se paracheva tout cest édifice, scavoir est tout ce qui est comprins dedans les quatre tours, avecq le quartier royal, qui est le plus oriental de toutte la fabrique, en diz ans ; de manière que bien computé et calculé tout le temps que cest édifice s'acheva, furent 22. ans et un peu davantaige que cinq mois, sçavoir est depuis fin d'apvril de 1562. jusques le 5. de Septembre 1584., qui fust le jour que se mist la dernière pierre, que pour estre de telle qualité, fust en icelle faicte une petite concavité et y miz un parchemin contenant contenant certaines oraysons et choses dévotes et pieuses, avecq annotation du jour du commencement et fin de cest œuvre, et qui en fust le fondateur, avecq autres semblables circonstances dignes de perpétuelle mémoire, comme le tout se peult veoir par la pourtraicture qui s'ensuyt. Geste pierre se mist en la cornice plus haulte du quartier qui tombe à la main gauche quand on entre au portique ou promenoir,
-• h Ce -■ et pa
•*2 ail ■i:c de
dtv;
;'' cer,
descomptées huict fenestres des celles plus haultes du collège. Depuis s'y passarent plus de deux ans en paver Teglise, y colloquer la custode et en disposer de tout ce qui seroit nécessaire pour le divin service, tellement que. le neufiesme d'aougst 86., un jour de samedy, le sainct sacrament y fust transpassé, et le dimenche ensuyvant, jour de Sainct Laurent, y fust dicte la première messe. Et ce que sur tout y fust le plus à noter, fust que le soing et prévention de Sa Majesté avoit esté si grande, que tout à un mesme instant, y fust pourveu de tout le nécessaire, tant concernant les choses de la sacristie, autel et chœur, que de touttes aultres commoditéz du convent, et tout cecy en si grande abondance et parfection, que véritablement se peult dire n'avoir jamais eu chose semblable au temps passé, ni aura pour Fadvenir, encores que ce fust en la plus riche église de toutte la chrestienté, n'en faysant cas de nul autre monastère ou abbaye pour riche et opulente qu'elle fust; en ceste présente année, environ le commencement du mois de novembre, s'y transferoient aussi du mesme les corps morts des royz et princes cy devant mentionnez qui avoient esté depositéz en la vielle église, l'espace de plus de dix ans, et se mirent tous en certaine pièce voultée, desoubz les degréz et la peane du grand autel de l'église principal, lesquelz s'y transportarent en trois fois, sçavoir est, lundy, mardy et mercredy 3;, 4. et 3. de Novembre, y observant précisément l'ordre que Sa Majesté en avoit donné. Le lundy y furent apportez cincq corps, et y célébrées les funérailles en grande solempnité, le mardy encores autres cincq. et avecq la mesme cérémonie, et le mercredy les restans qui furent six, les portans sur leurs espaules les mesmes religieux
Les corps morts cy devant mentionnez et depositéz en la première église se transportent à la vossure à ce ordonnée en la forme comme icy se dit.
ÏS97 à ce dénommez qui en tout furent seize corps morts,
chascun en son sarceuii richement aorné de drap de soye et aulcuns de thoyle d*or, avec une croix traversée de la mesme estofte, et ceuix qui y furent translatez et y reposent pour le présent sont les ensuyvans : l'empereur Charles le V. et l'impératrice dona Yzabel
sa femme ; la royne doiia Ana, quatriesme femme de Sa Majesté ; la princesse dona Maria de Portugal, première femme
de Sa Majesté; le prince don Carlos, son filz ; la royne dona Yzabel de France, troisiesme femme de
Sa Majesté ;
la royne de France, dona Leonor, tante de Sa Majesté ;
la royne dona Maria de Hongrie, aussi sa tante ;
l'archiducq Wencislao ;
le prince don Fernando,
le prince don Diego, f tous enfans de
l'infante don Carlos Lorenço, ( Sa Majesté;
l'infante dona Maria, /
Tinfant don Fernando, \ ^ » o j.
,,.., / tous frères à Sadicte
1 mfant don Juan, > *, . ,
I Majesté,
et le seigneur don Juan de Austria, /
De laquelle pièce ont les clefz, l'une le prieur, et
l'autre le premier sacristain, lequel a particulier soing
de faire nettoyer de deux en deux mois cestedicte
pièce, et aussi les sarcueilz, et n'y entre jamais personne
pour autre effect que ce soit, si ce n'est par exprès
commandement du roy. Cecy faict, fust donné ordre
La compaigne que la Compaha (qui comme pourrions dire la basse-
quenousapp ons ^^yj.j\ f^^^ encommencée, et aussi du mesme les deux
la bassecourt se ^
commence. grandes maysons qui se voyent hors de l'édifice, vers
le costé de septentrion, qu'ilz appellent las casas de los OfficioSy qui sont dépendantes du quartier royal, et aussi tous les murs et paroys des jardinaiges et de la mayson des costéz de ponent et septentrion, esquelles choses, comme la furie de l'œuvre n'estoit si grandement allumée comme du passé, se consumoient plus de dix ans, de manière que le tout se paracheva en la forme et parfection que par la précédente pourtraicture se peult veoir, en l'espace de 34. ans. C'est une chose de ires grande admiration de veoir un chef d'oeuvre si très beau, très riche, et très accomply, comme cestuj' cy, avoir esté encommencé et parachevé en vie d'un seul homme, mesmement desia tout parvenu et avanché au meilleur de son eage, car ne pouvoit avoir moins que près de 35 ans, l'achevant comme dict est, en trente quatre, et le jouyr encores aulcuns autres en grand repos, playsir et contentement. J'ay bien souvent en moy mesme admiré touttes ces choses et encores plusieurs autres de plus grande considération, mais point avecq l'attention que bien debvroy faire, estant vray que les choses présentes, et que journelement l'on a devant les yeulx, n'admirent pas tant en l'imagination de l'homme que les absentes et bien esloingnées de la veue, tellement qu'en plusieurs choses me suis grandement négligé, et bien repenty encores, de n'avoir plus curieusement annoté tout ce qu'il y eust digne de veoir et de perpétuelle mémoire. J'ay jusques icy superficiellement discourru sur le commencement et parachèvement dq corps de logis de ceste fabrique et le tout reduict en la meilleure forme qu'extérieurement se peult veoir. Maintenant, pour donner ouverture aux thresoirs qu'il y a en Tinterieur de ce corps, est besoing d'en exhiber icy le plant
Et les deux grands
maysons apellées
los Officias.
Le tout s'acheva en 34. ans.
édifice.
1597 pour suyvant icelluy ouvrir chemin à en particulariser
Le plant de cest le tout. Le plant de cest edefice, qui des costéz du
ponent et levant est plus prolongué que du nort et midy, est reparty principalement en dix courts (encores qu'il y en a tout seyze). Les cincq servent au couvent auquel habitent les moysnes, Tune d'icelles grande, et les quatre petites signalées audict plant qui sensuyt des caracthères BB.n.LL.PP.RR, esquelles vont aussi comprinses touttes les commoditéz nécessaires et requises à la vie monastique. Son ouvraige est simple et tout uny, encores que très bien parachevé avecq aulcuns reiglons qui sortent et se relievent des paroys, y ayant depuis embas jusques au toict trois estages d'arcures esgales l'une sur Taultre, selon bien aysement se peult veoir par la perspective cy devant mise; car ne consiste la bonn' architecture en estre de celles des ordres corinthe, dorique, ou ionique, mais bien un corps bien ramassé, proportionné, et se correspondant en tous ses membres, ni plus ni moins comme celluy de l'homme, où il n'y a chose de superflu, hors de rayson, mesure et proportion.
Le grand cloistre a de traverse environ 200 pies, son architecture est dorique et ionique ou colique, avecq des grans piliers quarréz, et aulcuns ronds à demy relief, et sur le tout des reiglons et des balaustres qui l'aornent grandement. Il y a au mitant de ce cloistre, un beau petit temple de fort belle structure, aussi signalé BB., voulté et aorné pardedans et dehors avecq de la fort belle pierre de jaspe et marbre, et contient en soy environ 13. pies, et a aux quatre coings quatre belles fontaines CC, qui y sont pour l'arrousement du jardin. Il y a aussi aux quatre coings de ce petit temple quatre très belles figures de marbre blancq des quatre
Le grand cloistre ou claustre des moysnes.
