I-R PATRIOTISME FRANÇAIS
li signour des homes en feront justice en teil manière que cil qui home occierra ou locierra. Qui home afFollera de tel membre comme il laffollera, iert affolleis. Sergens, ne bourgois, ne hom taillables ne portera arme molue, fors que espeie, se il vat a piei, arreis forestiers et meciers. Et cil pourront pourter dars ou glaiues. Et cil qui la pourtera se il ne vat en ost ou en cheuaulchie pour son signour. Et qui sor lui la trouuera lauera. Et cil lauera perdue et paiera cent soulz damende au signour.
Nuns sergens , ne bourgois , ne homs taillables, ne a piei, ne a cheuaul, ne puet panre beste sauuaige ne oisels sauuaiges, se a autre oisel non, se ce nest sires qui ait sergent a cheual. Cui li sires en doingne congiei, en son ban, ne nés puet panre, se a aultre oisel nest, ou a leuriers et a braches. Et li cheualiers et li frans homs puet chas-
cier et l'aire chascier et oiseler en son ban par sa maingnie de son hostel qui seront a ses roubes. Et cil qui autrui trouuera tendant, ne prenent, ne vendent, ne achètent, ne engin pourtent, ne en son hostel aient en auera trente deniers, et li sires trente deniers pour amande, les quels cinc soûls cilz qui que prouueis en sera paiera et auera lengin cil qui le trouuera. Et la venison et les oisels ansiment. Et cils atournemens est fais des grosses bestes sauuaiges et des Heures et des sers, et des faisans, perdrix, quailles et colons de columpmieres.
Nuns homs taillables ne puet joer aus deis. Et se il y joe il paiera v. s. damende a son signour. Et cil en cui hostel il joera cinc soûls damende a son signour. Et se homs taillables est trouueis bouuent en tauerne, puis quil sera nuis, il paiera cinc sould damende au signour dou ban. Et li tauerniers pour chaucun home qui i serat
trouuois beuant, douze deniers se ce ne sont gens trespascent .
Se femme, ne fille de sergent, ou de bourgoix, ou de home taillal)le se marie fors de son signoraige, elle en vat sens chasse et sens heritaige, car tous ses heritaiges demeure au signour dont elle se part. En teil manière que ce que elle tient dautres signours. li sires le doit dedens lan mettre en main qui deserue vers les signours ensis comme la femme faisoit, cui li heritaiges auoit estei. Et ce qui de lui muet, et toute la remanance, einsis comme il est dauant dit, li demeure quittement en sa main, saulfs les entrecours.
On ne puet home, ne feme gaigier dou lit de son corps, ne de sa millour roube. Ne home qui teingne sarmeure et son harnoix, on nel puet gaigier de larmeure ne dou harnoix, ne de son millour roncin de quinze liures, ou de plus. Qui recroira gaiges, il
recroira les poustures. Et qui tort auera, il les paiera.
Lajusticepuetadjournerde toutes chozes par lettres pandens don seel de la court. Et se cil qui adiourneis sera est araisonneis de honor de corps ou de heritaige dont il soit tenens il nen respondera mies se il ne li plait, tant qu'il ait estei adiourneis, einsis comme il doit. Se paroles sont chergies en jugement, Et il i at descort, li sires appellera de ses gentilz homes, et le ferat par lour acort, se il puet. Et se il i at descort, li sires se tenral a la plus sainne partie, et ce qu'il en dira serra quant il Tauera dit par le consoil de la plus sainne partie, et li autre seront jugie par lour peirs, et par les gentils homes, se cil sont en la présence. Et qui lonf panra pour chauscun auera de chaucune maison ou il le panra, ou ban, vn denier.
Nuns ne puet vendre ne engaigier heri-
lOl) LE PATRIOTISME FRANÇAIS
taige quil teingne de signour, se par le signour nest de cui il le tient. Et des amandes desor nonmees, ou il dit que li sires des homes doit auoir les amendes, si li home demorent en teil ban que nuns ne prant amande en cellui ban, se li sires dou ban non. li sires dou ban auera l'amende, et li sires cui homs il yert nen auera point. De toutes les amendes qui encherront de ces chozes dessus dites, li signour nen puellent nulles quicter par lour sairemens. Qui ne pourra paier l'amende tant soûls comme il en faura, tant jours gerra en tour ou en sep. Se li sires ne leuoit lamende de son home dedens quarante jours, ou il n'en tenoit la justice telle comme elle est deuiseie, li souuerain signour de cellui la leueroient , ou tenroient la justice.
De ci en auant cist atournement seront tenu en toute la contei de Bar et en fles et en arrierefies, sauues les franchises des
nuefues villes. Sejugemens chiet entre les signors et les homes qui sont lour home de fiei.li homedoient estrejugiei par lour pers.
Et toutes aultres chozes qui ci ne sont escriptes, iront aus vs. et aux coustumes que elles aloient dauant. Et cil qui iront encontre cest atournement, seront en la chasceles signors, etles homes, etlisignour le doient faire tenir. Et li home les endoient aidier.
Ce fuit fait lan de grâce que li milliaires courroit par mil et dous cens et cinquante cinc ans, en moix de octobre.
Bibliothèque nationale, Lorr. 718, fol. 27. Cette ordonnance est générale à tout le Barrois; les plus petits villages aussi bien que les villes pouvaient compter sur l'autorité du prince pour la conservation de leurs privilèges. Le cartulaire du Barrois est exclusivement destiné au maintien des franchises communales. (Ce manuscrit est conservé dans la Bibliothèque du comte Stanislas d'imécourt. )
