CHAPITRE LXV
Comment le petit Saintré delibera de porter une visiere de bassinet d'or par l'espace de trois ans: et comment le roy luy conceda, * nonobstant que ce fut contre sa volonté.
L'ACTEUR. — Advint que au quinziesme mois qu'il fut | retourné de Prusse, par maîntes fois se mist en ung nouvel pensement, et en soy mesmes disoit : Helas! povre de sens, povre d'avis et de tous biens, que tu es! oncques par toy aucun fait d'armes ne fut empris que ta tres noble et doulce deesse ne t'y ayt mys; ores vrayement je me conciuz et delibere que, pour l'amour d'elle, je vueil faire aucun bien. Lors s'appensa de trouver cinq chevaliers des plus puissants, dont il en seroit l’ung, et cinq des escuyers les plus suffisans et des meilleurs en armes qu'il pourroit trouver en France ; lesquelxil requerroit estre tous ensemble compaignons etfreres, DZ à porter, par l'espace de trois ans, une visiere de bassinet |coïffure de guerre} d'or pour les chevaliers, et d'argent pour les escuyers, ausquelles y auroit ungriche dyamant à l'entrer d'une des deux, lumieres des yeulx. Si vrayement que s'ilz ne trouvoient semblable nombre de chevaliers et d'escuyers qui les combatissent jusques à oultrance, pour estre quictez chascun desditz dyamans, et les aultres de semblable, et que nulle personne ne le sauroiït jusques au dernier jour . d'avril, qu'il feroit sa requeste aux chevaliers et escuyers qu'il esliroit. Et quant il fut du tout deliberé à ce, it envoya à Florance ung patron de toille paint, en forme d'un saptin figuré tout blanc, où seroient visieres d'or et brochées tres richement, qui seroient pour leurs robbes et paremens des chevaulx, et semblablement seroient parés de fin damas, tout blanc, broché à semblables visieres d'argent, pour les robbes et paremens des chevaulx des escuyers; et d'autre part fait querir chevaux tous blancs, les plus beaulx et les plus fringans qu'en pourroit finer, qu'ilz fusssent menez et tenuz en certain hieu secret. Et encores fist faire dix les plus beauix et nouveaulix chappeaulx de broderies semblables, en façon de plumes d’ostrusse, chargés d'orfaveries d'or pour les chevaliers, et d'argent pour les escuyers. Et quant les draps de soye furent apportez de Florance, et lesdits chevaulx trouvez,
ds
ANTHOINE DE LA SALE
lors fist tailler lesdictes robes sur personnes semblables de corps de ceulx qu’il vouloit requerir, et aussi des draps mesmes fait faire dix tres beaulx paremens, à grans franges blanches de soye, coupponnées de fil d'or et d'argent, qui tous furent faitz secrettement. Et quant lendemain jour d’apvril fut venu, il semont à soupper le seigneur de Presigny,
le seigneur de Bueïl, le seigneur de Maïlly, messire Hues de Craon, et luy cinquiesme des chevaliers, le seigneur de Genly,
le seigneur de Moy, le seigneur d'Herby, le seigneur des Barres et le seigneur de Clermont, escuyers, ausquelz il fist
tres bonne chiere en son logis. Et quant les nappes furent levées, sans oster la table, tous rendirent graces à Dieu; il appella le varlet qui gardoit sa chambre, et se fist bailler un : petit coffret ; lors fist vuyder chascun de la salle pour aller … soupper, et alors en riant dist : Messeigneurs et mes freres, … se je estoye presomptueux des choses que vous vueil dire, ‘a chascun me pardonne, car, sur ma foy, je vueil estre de tous qui cy sommes le maïindre, et ce que j'ay en pensée et que vous vueil dire n’est que pour accroistre noz honneurs, ainsi que tous nobles cueurs doyvent desirer de faire; et pour ce que sur tous ceulx de ce royaulme, je vous ay choisis pour k estre tous ensemble freres et compaignons, pour faire quelque bien en armes, pour l'amour de noz dames et honneurs ; or ca, messeigneurs et mes freres, qu'en dictes vous? Alors chascun de joye regarde l’ung l’aultre pour respondre et luy faire honneur, en disant : Respondez. Mais vous? Alors le seigneur de Genly qui premier parla, dist : Monseigneur de Saintré, die chascun sa voulenté, mais à si tres noble compaignie, et aussi requeste, me semble qu'il ne fault point grant delay ; quant à moy, je suis celuy qui de ma part, à l’ayde de Dieu et de nostre Dame, le vous accorde, remerciant quant vous m'avez en tel nombre et compaignie prins et esleu. Et en ensuivant ung chascun d’eulx tres liberallement se offrirent. Mais tant estoient les vaillances, comme avez oy, les largesses, doulceurs et courtoisies, qui passoient les bornes et mectez. [limites] de tous, dont n’y avoit celluy qui n'eust mis son corps pour luy, et tant plus que le roy l'amoit par dessus tous, dont. chascun avoit joye de lui faire plaisir. Alors tous les remer- | cya en la meilleure facon qu'il peut, et ouvrit son coffret, et à chascun donna sa visiere, toutes pareilles de facon et de diamans, puis leur dist : Or, messeigneurs et mes freres, ou nom de Dieu le Pere, le Filz et le sainct Esperit, aussi de la
benoiste vierse Marie sa fille et mere, je les vous baïlle, et vous les prenez par telle condicion que chascun de nous les portera sur son espaule senestre, et par l'espace de trois ans, se dedans ledit terme nous ne trouvons semblable nombre de chevaliers et d'escuyers de nom et d'armes, sans reprouche, qui de lances de giet, de haiche d'armes, d’espées de corps et de dagues, nous ayent combattuz, et nous eulx, jusques à prendre chascune partie ses quatre poinctes, ou estre portés par terre ; et la partie à qui Dieu donnera du pire, chascun de nous sera quicte pour donner ung dyamant, en sa visiere, et ilz seront quictes pour donner ung semblable dyamant, que sont les nostres. Et du poursuyr noz delivrances d'envoyer à la court du roy des Romains, puis en Angleterre, et là où mieulx nous semblera, actendez vous en à moy ; aussi je m'employeray devers le roy,qui nous aydera à supporter nostre despence. Alors chascun de bien en mieulx. l'en remercya. Et pour mieulx nous acquiter, et faire noz devoirs, je loue que chascun voyse à sa dame, et pour la premiere fois supplier que la visiere luy vueille sans plus à la main asseoir sur l’espaulle senestre, sans la lier autrement jusques au matin que, tous ensemble, les porteront; mais pour faire nostre chose plus nouvelle, je vous prie que soyez cy à quatre heures au plus matin, si yrons esveiller le roy et la royne, qui coucheront ensemble, et, s’il leur plaist, nous, les merrons [mènerons] au may. Si furent tous si tres contens que plus ne pouvoient. Lors fut le seigneur de Moy, qui dist: Helas ! et comment fera celuy qui n’a point l’octroy de dame ? Alors le seigneur de Saintré luy dist: Ha ! mon frere de Moy, tant aura il plus de cause de franchement requerir sa grace et mercy; car se elle n’est pas la plus fiere des aultres, pour ung tel bien jamais elle ne le refusera. Et alors les ungs des aultres prindrent congié, et allerent chascun où dit estoit. Et à tant laisseray cy à parler de ces seigneurs et de leurs dames, et diray comment il en print au seigneur de Saintré envers Sa dame.
ANTHOINE DE LA SALE
