CHAPITRE LXIIII
Comment Saintré requist au roy que pour sa bien venue couchast avecques la royne, ce qu'il luy promit; et comment la royne en fist grande risée, luy demandant pourquoy il avoit faict celle requeste. Puis enfin comment, sus la minuyt, il alla parler à la dame en secret, qui luy fit la plus grant chiere du monde, noù pas sans plusieurs baisers et accollemens.
L'ACTEUR ENCORES. — Et quant le roy fut en sa chambre, le seigneur de Saintré en riant luy dist : Sire, pour nostre bien : venue, je vous prie que ce soir avecques la royne dormiez. Le roy, qui tres gracieulx prince estoit, et qui tant l’aymoit, en riant luy dist : Tousjours fustes et serez gracieulx, et du party aux dames ; et, pour l'amour de vous, je le vueil. Alors touten riant vint à la royne, et luy dist: Au moins, ma dame, donnez moy ung grant mercy. Et quant la royne le vit ainsi rire, luy dist : Et de quoy, Saintré, vous donneray je ung £srand mercy ? Ma dame, donnez le moy et puis je le diray. Non feray, dist elle, car vous vous farceriez de moy. Ma dame, c'est chose où le roy, vous et moy prendrons plaisir ; ne vous fiez vous pas en moy ? Si fais, dist elle, et puis qu'ainsi est, je vous dis grant mercy. Alors le seigneur de Saintré luy dist : Ma dame, faictes bonne chere, car j'ay espouoir que ceste nuyt, s’il n'est faict, vous ferez ung tres beau filz ; car, pour notre bien venue, le roy m'a accordé de dormir avec vous. Hé ! dist la royne, que vous estiez bon ! il n'a que yer entre deux que je dormys avecques luÿ. Mais je vous prie que me dictes la chose qui ores vous a esmeu de faire ceste requeste à monseigneur ? Ma dame, dist-il, je le vous diray ; vous scavez que quant aucun seigneur ou dame viennent là où les enfans sont à l’escolle, par coustume à leur requeste les escolliers sont delivrez et allent jouer. Ha! dist elle, Saintré, Saintré, ce n’est mye la droicte porte par où vous cuydez entrer; je vous aüjure, sur armes et sur amours, que me dictes verité. Lors le prent par la manche et dit : Tant que je le scaiche, vous ne me eschapperez. Alors le seigneur de Saintré appela ma dame, et luy dist : Ma dame, vueillez moy ayder, car veez cy la royne qui me veult efforcer. Et luy compta la requeste faicte au roy, et ce qu'il avoit dit à la royne, tout au long. Lors dist ma dame à la royne :
ANTHOINE DE LA SALE
Hé ! ma dame, laissez le aller, car il vous a dit la verité. Non a, dit elle; aulire chose y a soubz le mortier; car monsei- | * gneur me dist yer qu'il desiroit moult sa bien venue pout : bien avecques luy deviser, et il a trouvée ceste facon pour aultre part aller. Ma dame, qui se doubtoït, ainsi que chose vraye faict adoubter, que leurs riz et signeaulx ne la feissent souppeconner, pour bien couvrir leur emprise, dist ainsi au seigneur de Saintré : Hé ! sire, sire, se ma dame me croit, avant que luy eschappez, vous luy direz la verité. Alors il leur dist : Et par voz foiz, mes dames, se je le vous dis, mt laisserez vous aller ? Ouy vrayment, dist la royne. Et vous, ma dame, avec la royne le me promectez. Lors il dist : Ma dame, il y a ung moys ou six sepmaines que me cessasmes de chevaulcher, et pource que le roy me vouldroit arraisonner, et je me vouldroye dormir et reposer; pôurce, ma dame, suis je ainsi eschappé. Ha! dist la royne, à ceste fois ie vous croy. Lors dist ma dame, en renouvellant son signal Vrayement, ma dame, c'est bien faict, vous le povez bien laisser aler.
L'ACTEUR. — Et quant la tres desirée heure fut venue, que bien à loysir ma dame et son amy peurent parler ensemble, que vous dirois-ie? Là furent les baisiers donnés et baisiers rendus, tant qu'ilz ne s'en povoient saouller, et demandes et responses telles qu'amours voulloient et commandoient. Et en celle tres plaisant joye furent jusques à ce que force leur fat de partir; en laquelle retourner ne povoient, se la royne ne dormist avecques le roy, où ilz s'employerent toutesfois que au roy plaisoit. Que vous dirois je plus ? Ilz furent ainsi | par quinze mois. Et à tant laisseray cy à parler de leurs amours qui furent si loyalles et secrettes que oncques plus loyalles, ne mieulx sai dans en ce mondes ne sen ne
