ERA
Ed
Broy, secretaire de la royne, qui la trouva à table assise, où elle disnoit ; à laquelle franchement et lyement, comme l’ung de ses especiaulx amys de court, pensant avoir tres bonne chiere, luy presenta les lectres de la royne. Ma dame, qui de sa venue n'eut que desplaisir, à tres peu de parolles print les lectres de la royne et les leut ; dont, pour plus tost estre delivrée de iny, se hasta de disner et lever les tables ; puis incontinent s'en va en son hostel pour rescripre la responce, puis dist : Ah! maistre Julien, disñez et incontinent venez à moy. Damp Abbez, qui gracieulx estoit, fist, à maistre Julien tres bonne chiere, et s'assist, pour deviser, viz à viz de luy ; et entandis qu'il disnoit, vint à damp Abbez ung de ses braconniers |valets de chasse], qui dist avoir destourné un£g tres grant cerf, accompaigné de dix ou douze biches. Pour veoir ung si bel deduyt, lors dist damp Abbez, je plains que ma dame n'est cy ; mais, à tout prendre, nous actendrons à demain. Et comment, dist maistre Julien à damp Abbez, ma dame va elle chasser voulentiers ? Voulentiers, dist damp Abbez sans y penser, ouy, deux ou trois jours la sepmaine, tant à pié qu'a cheval, puis à une chasse, puis à l'aultre. Et monseigneur l'Abbez, dist maistre Julien, estes vous garny de bons chiens et levriers ? Se j'en suis garny ? oy, et de tres bons oyseaulx aussi bien que prelat de France quel qu'il soit. Saincte Marie ! dist maistre Julien, ce vous est un£ grant honneur. Et, en devisant avecques damp Abbez, il vit en son doy le bel et gros ruby ballay qu'il avoit autresfois veu à ma dame, si n’en dist mot, mais pourtant ja n'en pensa moins ; et quant il eut disné et retenu des parolles de damp Abbez ce qu'il veuit, lors prent congié, le remerciant tres. humblement et tres grandement ; puis monta à cheval, et alla à ma dame, comme elle luy avoit dit, à laquelle il dist sa creance ainsi que sa lectre contenoit. Ma dame, qui de soy en delivrer fut deligente, luy bailla sa lectre de responce à la royne, qui fut telle qui s'ensuyt :
