CHAPITRE LXXVIII

Comment les Francoys vindrent, et le grant honneur qu'en teur fist.

Quant le seigneur de Saintré et sa tres belle compaignie furent de la cité de Coulongnes [Cologne] à demye journée pres, place ordonnée où l’empereur et l'emperiere {l’impératrice] furent venuz pour veoir les armes, firent à leurs gens savoir que là estoient, et qu’ilz seroient à eulx au soupper. Laquelle venue sceue, l'empereur au devant euix envoya son cousin le duc de Brunsvich, pour conduire le seigneur de Saintré, et neuf contes viz à viz chascun des aultres, et avecques eulx plusieurs barons, banneretz, chevaliers et escuiers, tous

nobles hommes grandement accompaignez ; et ainsi fut. Et quant ilz furent assez pres de la ville, l'empereur ordonna que les deux contes et huit barons, qui delivrer les devoient, feussent tous vestuz pareilz, ainsi que les Francoys estoient, et au devant d’eulx bien et grandement accompaignez ; et ainsi fut que tres grans joyes et honneurs se firent. Lors, ainsi comme l'empereur eut ordonné, chascun d'eulx à la senestre de son compaignon se mist, quelconques prieres que les Francoys feissent, et à la dextre les premiers contes, Et en celle belle ordonnance et compaignie, par la cité et devant le palais où l'empereur et l'emperiere estoient, furent conduytz en leurs hosteis. Des aultres serimonies et ordonnances des heraulx, des trompetes et des menestriers, pour abreger, je me passe ;

ANTHOINE DE LA SALE

aussi des honneurs et bonnes cheres que les ungs aux aultres firent, par l’espace de quinze jours que ïillee sejournerent.