CHAPITRE LXXIX
Comment la bataille fut, et l'ordonnance de l’empereur.
L’'aAcrTEUR. — Le huitiesme jour apres leur venue, fut jour ordonné que la bataille seroit, Les lices faictes, l'empereur en -son hourt, accompaigné des princes de sa court, et d'aultres
princes et barons venuz pour veoir les armes, et l'emperiere
en son hourt à la senestre, accompaignée de maints princes et d'aultres dames de grant façon, l'empereur demanda premier le cry du seigneur de Saintré nommement, êt de ses neuf compaignons, lesquelz au second appel furent venuz. Et
ainsi fut il des Allmans, dont, pour abreger, à tres belles et grandes compaignies vindrent. Et quant les ungs et les aultres en leurs pavillons furent, et eurent faits leurs sermens
acoustumés, l’empereur les fist yssir d’une part et d'autre, leurs coctes d'armes vestues, que tres belle chose estoit, et Saintré ou meillieu des siens. Les deffenses furent criées; chascun Francoys, qui tenoit sa bannerolle en sa main, en fist un grant signe de la croix, puis la baisa et la baïilla. Lors
chascun, armé de ce qu’il devoit, prent sa peusine [bouclier]
en sa main senestre, lors baïissa sa visiere, et sa lance de gect en Sa dextre main, et en tres belle et joieuse contenance, les ungs devant les aultres, jusques au commander de l'empereur
qu'ilz feissent leurs devoirs, et que on les laissast aller. Alors,
tant d'ung cousté comme d’aultre, desmarchans comme lions,
à l’assembler et £ect de lance, deux Francoys furent blessiez,.
mais non de chose de quoy ilz laissassent à besongner, et trois des Allmans, dont l'ung eut le pié percé. Lors commenca la bataille si fiere et si dure que c'estoit merveille, et tousjours fut combattue sur la partie des Allmans, que pour tel nombre de gens oncques semblable ne fut, qui dura moult longue-
ment ; en laquelle le seigneur de Saintré avoit ja son
compaignon desmarché fort arriere. Quant l'empereur veit la
vaillance de cest gens, ou que l’ung party ou l’aultre falloit.
que rompist, alors s'escrya, et dist : Helas! où estoit mon ee = 206
cueur de souffrir ung tel inconvenient ? Lors hastivement gecta sa flesche, en disant : Ho! Lors furent tous prins et tirés chascun party à son pavillon. Adonc l’empereur les fist tous devant iuy venir, et de leurs chiefs et gantelets desarmer, et ordonna faire appareïller les blessez ; puis fist demander à tous les vingt compaignons leurs prix qu'ilz devoient payer lung à l'aultre, s'ilz eussent perdu, lesquels luy furent apportez. Lors les bailla au roy d'armes de l'empire, et ordonna rendre à chascun le sien, et de sa part leur dire les parolles qui s’ensuyvent.
