ESS

bases pr

ANTHOINE DE LA SALE

‘1ard, qui furent prelatz de sainte Eglise, n'eussent mie faicte en leur vivant, car illec publicquement se mist en pourpoint, destacha ses chausses, qui en ce temps ne s'entretenoient mie, et les avalla [fit descendre] soubz les genoulx ; apres vint devant ma dame tout le premier, et apres sa reverence faicte, d LAïeñnriseement fist ung tour, en saillant en l'air, monstrant ses grosses cuysses péllnes et vellues comme ung ours. Apres vint le seigneur de Saintré, qui à ung bout du preau s'estoit | deshabillié, ses chausses estant richement brodées à grosses | nue perles ;et vint à ma dame fairesa reverence, en faignant la tres à | amere douleur qu'il avoit au cueur. Lors l'ung devant l'aultre ‘ furent ; mais, avant que la lucte fust commencée, damp Abbez se vira à ma dame, et par mocquerie, à ung genoul à térre, luy dist : Ma dame, à mains joinctes, je vous prie que à monseigneur de Saintré mé recommandez. Ma dame, qui congnoissoit bien la force de l’Abbez, en soubzriant dist au seigneur de Saintré : Hé! seigneur de Saintré, je vous recommande nostré Abbez, et vous prie que l'espargnez ung peu. Le seigneur de Saintré, qui congneut bien la mocquerie, dist : Ha! ma dame, j'auroye plus £srant besoin£ d'estre à luy recommandé. Ces parolles finées, damp Abbez et le seigneur de Saintré | «314% s'entreprindrent, et tournoyerent ung ou deux tours, Lors damp Abbez estent sa jambe, et par dedans la lye à celle de Saintré, puis, tout à coup se deslie, et par dehors tellement le Va trousse que les piés du seigneur de Saintré furent assez plus a hauts que la teste, et sur l’erbe l’abatit ; et en le tenant soubz. luy, damp Abbez à ma dame dist : Ma dame, recommandez moy au seigneur de Saintré ! Lors ma dame, en tres fort riant, luy dist : Hé! seigneur de Saintré, ayez pour recommandé nostre Abbez. Mais de joye qu'elle avoit, et de rire, à peine : povoit elle parler. Lors damp Abbez se leva et se remist sur ses piés, et en riant ma dame luy dist : Encore une aultre | fois, si hault que tous l'entendoient. Alors damp Abbez dist : Ma dame, ce que j'ay faict, c'est pour l'amour de la querelle

dont Dieu et amours m'ont esté tesmoins ; mais se le seigneur

de Saintré voulloit soubztenir qu'il aymast plus loyaument sa dame que je ne fais la myenne, veez cy ung foible et simple moynne crui a ceste bataille le combatra. Feriez, dist ma. dame ? Se je le ieroye ? par Dieu, ouy, contre tous ceulx qui vouldront venir à moy. Alors ma dame au seigneur de Sain-

tré dist tout en riant : Qu'en dictes vous, beau sire, est ü cueur de gentilhomme qui n’y respondit ? Ma dame, dist le à

ne eee VA À à

JEHAN DE SAINTRE

seigneur de Saïntré, il n'est cueur de gentilhomme qui à son pareil ne respondist, et en la facon que en tel cas appartient. Ce sont des excusacions, dist ma dame, aussi vouliez excuser de l’aultre querelle ; bien fait à reproucher le cueur d'ung gentilhomme qui, pour une lucte, n'ose soubztenir sa loyaulté ; et en verité je croy que qui bien y querroit, en vous peu s'en trouveroit, Helas ! ma dame, dist le seigneur de Saintré, et pourquoy dictes vous cecy ? Je vous le dy, car vous vous sentez avoir tort, et il est ainsi, Alors le seigneur de Saintré dist : Or voy je bien, ma dame, qu'il faut recommencer, et qu'il n'est excuse, tant soit raisonnable, qui en peust desmouvoir, et puis qu'il vous plaist, j'en suis content. Damp Abbez, qui oyoit toutes ces choses, par maniere de farce dist : Ha! ma dame, je n'oseroye, car se ne fust le bon droit que j'avoye, il m'eust foulé et mis au bas, tant ay treuvé de force en luy qu'il n'est mie de merveilles s’il à tant de gens desconfit ; maïs puisque j'en ay empris la querelle, je la vueil soustenir. Et lors crie : arriere ! arriere ! et chascun en arriere se retraict, Damp Abbez, qui estoit esmouvé et hors de toute contenance ou sens arresté, se print à escryer : Ha ! loyaulté, garde ton droit ! Et à ces parolles, au seigneur de Saintré se traict, et par le tour d'une estrappe |[croc-en-jambe]à bien peu qu'il ne l'emporta ; mais tant virerent et tournerent que d'une trousse [attaque], assez plus forte que la premiere, le seigneur de Saintré abatit, et puis dist à ma dame : Et nostre juge, ay je bien fait mon devoir? qui est le plus loyal ? Qui l'est, dist ma dame, vous qui l'avez gaigné. Le povre seigneur de Saintré, qui de la lucte et du grant plaisir que ma dame y avoit prinus, et mesmement à le veoir le plus foible sachant, au moins de lucter, ne scavoit ung seul mot dire ; lors chascun s'en alla revestir, Les deux escuyers qui, pour le servir, demourez estoient, cuyderent bien de dueil mourir, quant ilz virent que ma dame et damp Abbez farçoient et derizoient le seigneur de Saintré qui tant estoit honnorable et vaillant chevallier, que de son pareil ne peult on mye finer ou royaulme de France, et luy dirent : Vous ne seriez mye homme, se vous ne vous vengez de ceste derision. Et il leur dist : Ne vous en souciez, aiez en pacience comme moy, et me laissez faire, Le seigneur de Saintré, qui de tous poins avoit si autement perdu l'amour de sa dame, par la desloyaulté d'elle, que tant et si loyauilment servie l’avoit, comme bien attrempé, print en soy

maniere telle comme se du tout ne feist riens esté. Lors à grant