CHAPITRE XIIII
Comment le petit Saintré remercia le roy, la royne et ma dame, pour ce qu'il avoit été faict escuyer. Et comment il trancha devant le roy, et fist son office bien saigement.
L’ACTEUR. — Alors Jehan de Saintré, comme humble, doulx et gracieulx, incontinent à genoulx devant le roy se gecta, et le remercia du grant honneur qu'il luy faisoit. Le roy, comme seigneur saige, doulx et debonnaire, luy dit: Saintré, faictes bien seullement, et nous le vous recongnoistrons. Si se vira
jé [se tourna] au maistre d’hostel, et là, present le roy et tous,
le remercia des bons enseignemens qu'il luy disoit, et n'eut pas honte, comme plusieurs auroiïient, de le remercier publicquement. Et lors se part, et va à la royne, qui estoit en sa chambre ; lors publicquement, sans faire nul semblant à ma dame, devant tous ceulx et celles qui là estoient, à gfenoulx tres humblement la mercia. Et la royne lui dist: Saintré, les services et gracieusetez que vous avez faictz à tous, et éspeciallement aux dames, ont avancez vos jours à vous faire saillir de paige et devenir escuyer de monseigneur et de nous; et pour ce, mon amy, pensez tousjours de bien faire et de complaire à chascun, car ung jour viendra qui payera pour tous. Alors les tables furent dressées, et le maistre d’hostel pour disner la vint querir. Ma dame se montrant ignorante de toutes ces choses, avecques les autres dames et damoiselles, qui de Saintré tout bien disoient, ne dit plus fors que : En verité il a esté, et est bon valeton.
L’ACTEUR. — Quant le roy et la royne furent assis, et ma dame au bas bout de la table, le maistre d'hostel print le chenevas [la corbeille] du pain, la serviette, et sur l'espaulle Jehan de Saintré la mist; lors il commenca à faire son office
de varlet tranchant, et si gracieusement que au roy, à la royne et à tous pleut grandement. Ma dame, qui au bas bout de la table seoit, le regardoit, de fois à aultres, moult souvent, et puis pensoit que vrayement il convenoit qu'il eut ses trois
chevaulx qui luy estoient ordonnez et ses deux varletz ; lors a 1x Ÿeel
print l'espingle de sa poitrine, en facon de curer ses dens, fist son signal par tant de fois que Jehan de Saintré l'apperceut ; et, au plus honnestement qu'il peut, de son signal respondit.
