CHAPITRE XXVII

Comment Saintré print congié du roy, de la royne et des dames, ausquelles il donna à chascune une verge d'or ; et comment la royne en demanda une, laquelle il luy baïlla en s'excusant, disant que il ne cuydoit pas qu'elle eust daigné prendre si petit present.

L'ACTEUR. — Le matin ensuyvant, quinziesme jour de juillet, que le terme estoit du partir, apres la messe ouye, et que le prebstre eust à Saintré donnée la beneysson, Saintré atout sa compaignie, vestu de sa livrée, vindrent prendre congié du roy, qui lui dist : Saintré, Dieu vous doint bien aller, bien besoigner et à vostre grant honneur retourner ! d’une chose vous ay prié et prie, qu'il vous souviengne de Énsner on de perdre honnorablement et honnestement. Sire, dit-il, au plaisir de Dieu, vous n’en orrez ja autrement parler. Lors le bon roy luy toucha la main. Puis s'en va à la royne, qui lui dist : Hé! Saintré, puis qu'il faut que vous en aïlliez, nous toutes prions à Dieu qu'il vous doint pris d'armes et joye de voz amours. Ma dame, dist il, il en soit à vostre bon plaisir du prix d'armes, mais mes amours sont à servir vous et le roy aussi. Et à ces parolles il print congié d'elle, puis de ma dame assez briefvement, fors que en souspirant elle luy dist : J'ay jà prins congié de vous. Puis va aux autres dames et

- damoyselles, à chascune desquelles il donna une vergette d'or,

toutes esmaillées à fleurs de souviengne vous de moy, dont n'y avoit celle qui tenir se peust de plorer, tant l'avoient toutes aymé et l’amoient. Et quant la royne ouyt le bruyt de ces vergettes données, elle appela Saintré, et en riant lui

dist : Et, beau sire, ne sommes nous pas, Belle Cousine et moy,

dames comme les aultres ? Que ne nous faites vous de vostre livrée ? Ha ! ma dame, dist Saintré, pour Dieu, qu’il me soit pardonné, car je n’avoye hardement [hardiesse], ne cuydoie que telles dames daignassent prendrent de moy si petit don. Si ferons, dist la royne. Alors leur donna de toutes celles qu'il avoit, combien que toutes fussent pareilles ; puis luy dirent : Saintré, grant mercy. Et à ces parolles Saintré reprent congié. Et à son departement ma dame ne se peut tenir de lermoier ; alors elle, pour son excuse, dist à la royne : Jamais pour deuil, ne pour regret que j'eusse, je vouldroye

GA ee LR nes

ANTHOINE DE LA SAlz

que je ne peusse lerme gecter, sinon quant je voy les. autre plorer, Et en verité, ma dame, dirent les aultres, qui est le cueur de femme qui se porroit tenir de plorer à veoir. cest enfant qui va en si grant peril, et qui est nourri Avépaues nous, et qui tant de plaisir nous a fait tous les jours ot