L'ACTEUR

À vous, tres excellent et puissant prince, monseigneur Jehan d'Anjou, duc de Calabre et de Lorraine, marchis et marcquis du Pont, et mon tres redoubté seigneur.

Se aucunement, pour trop ou peu escripre, j'avoye failly ; ce que de legier [par légèreté] pourroye faire, actendu que ne suis saige ne aussi clerc, il vous plaise, aussi à tous et à toutes, le moy pardonner ; car maintes fois tel fait du mieulx qu'il peut, qui ne fait gueres bien, dont n'esi mye merveilles,

moy qui suis et ay tousjours esté rude et de gros engin [esprit]

en maintien, en faiz et en diz. Mais, pour accomplir voz | prieres qui, entre tous les seigneurs, me sont entiers commandemens, j'ay fait escripre ce livre, dict SAINTRÉ, que en facon d'une lectre je vous envoye, en vous suppliant que le preignez en gré, Et sur ce, pour le present, mon tres redoubté seigneur, aultre chose ne vous escripts, fors que [sauf que] si tres humblement, comme je scay et puis, me recommande à vostre tres bonne et desirée grace où que je soye ; et prie le Dieu des’ Dieulx qu'il vous doint [donne] entiere joye de trestous voz desirs, Escript à Geneppe en Brebant, le xxve jour de septembre, l'an de nostre Seigneur mil cccc cinquante et neuf {1459}.

Vostre tres humble et tres obeissant serviteur,

ANTHOINE DE LA SALE