RL D

armes, comme il m'a par plusieurs fois esté dist, la royne, les dames et damoiselles, aussi chevaliers et escuyers, toute la cité et le pays en ont telle joye, que tout en bruyt. Et au prendre congié de messire Enguerrant, il me dist : Roy, vous me recommanderez bien à mon frere Jehan de Saintré, et luy dictes que, au plaisir de Dieu, je serai tout en point à la journée que le roi nous a donnée, et aussi me recommandez à toute sa compagnie, et à Dieu soyez ! Et quant je fuz pour monter à cheval, il m'envoya quarante florins d'Arragon.

L’ACTEUR. — Et quant Saintré et toute sa compaignie ouyrent le rapport et bonnes nouvelles, et sa tres briefve delivrance, la joye fut merveilleuse entreulx, et fut ceste nouvelle par tout publiée et portée au roy et à la royne, dont ma dame le sceut, et aussi toute la court, et par le royaulme espandue, Alors commencerent dames et damoiselles à jeusner, à faire veuz, pellerinages et prieres pour l'amour de luy; mais de ces bonnes nouvelles, Saintré, comme bon chrestien, et qu'il tenoit de Dieu ses honneurs et ses aydes, retourna arriere au moustier |monastère|, et là, à genoux, chief descouvert et mains joinctes, à Dieu et à nostre Dame faict devotement ses prieres et oblacions ; et puis s'en vont disner.