CHAPITRE XXXI
Cemment oaintré, estant logé à Parpignen, les nouvelles en vindrent. au roy d'Arragon qui ordonna son logis à Barselonne. Et puis comment Enguerrant fut au devant de luy, hors La ville, l'espace d'une lieue, et le receut honnorablement: et des devises et parolles de l'ung à l'autre.
L’ACTEUR D& L'ENTRÉE DE BARCELONNE, — Endementiers que ces choses estoient, et que messire Enguerrant se mectoit en point, ne tarda gueres que Saintré arriva en la ville de Parpignen. Alors au roi fut fait assavoir sa venue, son grand estat et la belle compaignie qu'il menoit. Lors le roy et tous les aultres seigneurs se apperceurent que vrayement il devoit . estre homme de bien ; et incontinent ordonna à Barselonne tres honnestement son loger, lequel fut à ses fourriers livré deux jours de devant sa venue. Et à l'entrer qu'il fit en la
ANTHOINE DE LA SALE
cité, messire Enguerrant, qui jà fut une lieue au devant de
luy et plus, tres bien accompaigné, et plusieurs aultres seigneurs, chevaliers et escuyers qui furent tres emerveïlliés de deux choses : l’une du tres jeune aage de Saintré, l'autre de sa tres belle ordonnance, où luy et ses gens estoient en sa venue, tout ainsi que au partir de Paris. Et quant messire Enguerrant vit le jeune aase de Saintré, fut esbahy d’avoir telles armes à faire à ung qui poroit estre son filz. Si le
regarda tres grandement plusieurs fois, soy merveillant de la
haulte entreprinse d'ung homme si jeune qu'il estoit. Et quant ilz furent au logis, messire Enguerrant, honteulx des armes que avecques luy devoit faire, à part luy dict : Jehan de Saintré, mon frere, vous estes ung jeune gentil homme, escuyer, et je suis ung vieil gentil homme, chevalier ; se vostre vouloir estoit me quicter du scelle de ma promesse, je, pour acomplir voz armes, ai compaignon mon propre nepveu, qui est de vostre aage, et chevalier comme je suis ; et de ce vous voldroye bien prier. Saintré, comme sage et courtois, de soy mesme fist responce, et dist : Monseigneur messire Enguerrant, il a pleu à Dieu et'àa ma bonne fortune que mon emprise est premierement venue en voz mains, dont tant comme je puis et say, humblement je vous en remercie, et de vostre grace, comme chevalereux chevalier, m'avez volu, et par vostre scelle promis de delivrer ; et jacoit ce que monseigneur vostre nepveu soit souffisant et digne de deliver le meilleur chevalier du roiaume de France, toutes fois, puisque mon aventure m'a à vous adressé, a vous je me tiens et arreste, et vous prie que me le pardonniez; et se par aucune occasion, que je me scay ne puis penser, de vostre promesse me defailliez, je me tiendray de mon veu pour tres honnestement et honnorablement quicte et delivré.
L’ACTEUR. — Et quant messire Enguerrant oy d'un sy tres jeune homme son gracieulx parler, fut esmerveillié, et
comprinst en son cueur qu'il vouloit dire qu'il n'osoit, parquoy
il se tiendroit quicte de son veu, lors se delibera de l'accomplir, et luy dist: Saintré, mon frere, j'ay oy vostre tres illustre parler, ce que je vous ay promis par mon scelle, au
plaisir de Dieu, de nostre Dame et de monseigneur sainct
George, je le vous accompliray au jour et heure que le seigneur roy vous a promis et ordonné : et pour plus tost donner fin à ces choses et plus honnorablement, me semble que au
saillir des vespres du roy, je vous venray querir ; vous serez tout prest, et vendrez faire la reverance au roy et à la royne, qui vous verront tres volentiers ; et là, present le roy, vous deslieray votre bracellet. Puis demain le vous rendray, ainsi que en voz armes est contenu, car j'ay espoir en monseigneur sainct George que ma dame y aura bonne part. Et sur ce prent congié. Dont pour priere nulle Saintré ne voult demourer au disner; mais pour veoir sa contenance et maintien, messire Enguerrant le fist demourer.
