CHAPITRE XIX

Comment le petit Saintré remercya ma dame, puis fist faire le bracelet.

comme elle luy avoit commandé, et puis vint à elle, et Iuy monstra ; dont elle fut bien joyeuse.

L'ACTEUR. — Lors Saintré à $enoulx se met et dist : Ma tres redoubtée dame, ma deesse et mon seul bien, si tres humblement que je scay et puis, du tout vous remercie ; et quant aux armes que me ordonnez, Dieu avant, nostre dame et monseigneur sainct Michel l'ange, oncques de choses, apres wostre grace et amour, je ne fuz si content ; car vous orrez, au plaisir de Dieu, nouvelles telles que, vous et messeigneurs, tous serez contens. Lors print congié d'elle et par ung$ amoureux baiser, dix, quinze ou vingt rendus, et à Dieu soyez.

L'ACTEUR. — Saintré, sur ce nouvel pensement, fut toute celle nuyt. Et quant le jour fut venu et qu'il eut messe ouye, lors fist à soy venir Gilbert Lorin, orfevre du roy, qui renom de preudhomme avoit, et à part lui dist : Gilbert, mon amy, je vouldroye ung bracelet d'or esmaillé de mes couleurs et à ma devise, et brodé aux deux lez [côtés] de deux diamans, six rubis et six perles que veez cy. Lors les montra à Gilbert, qui moult lui pleurent ; et, pour abreger, en deux jours le bracelet fut faist. Et quant Saintré fut en la presence de ma dame, il frota son dextre | droit] œil, pour le signe qui estoit entre eulx, auquel ma dame de son espingle respondit; et quant ilz furent ce soir au preau pour deviser, Saintré lui