CHAPITRE XX one

Comment la dame conseilla au petit Saintré qu'il failloit qu'il fist pu- | blier son entreprise par ung herault d'armes, contenant comment le | mieulx dansant, fust escuyer ou dame, auroit pris convenable, et Iuy mist ie bracelet au bras ; puis comment Saintré fist ung banquet à tous seigneurs et dames ; et puis la nuyct retourna au preau parler à la dame, qui luy dist qu'il failloit publier ses lectres d'armes en la court de quatre roys.

Et quant ma dame eust lendemain veu le tres bel et riche brasselet, fut tres joyeuse ; lors à Saintré fit son signal auquel Saintré promptement respondit. Et quand ilz furent ensemble, ma dame luy dist : Mon amy, veez cy vostre bracelet, lequel me semble tant bel, que à peine le pourroit estre plus : si me suis appensée, à l’asseoir des tables, que demain, qui sera la veille du premier jour de may, vous donrez ung tres bel soupper à plusieurs chevaliers, dames et damoiselles de la court et autres, auquel je ne vueil point estre, combien que vous m'y convirez. Et lorsque, pour publier vostre emprise plus honorablement, par le roy d'armes ou herault vous ferez crier, que la dame ou damoiselle, chevalier ou escuyer qui seront les mieux chantans à icelle feste, la dame ou damoiselle aura de vous uns bel dyamant, et le chevalier ou escuyer aura ung bel rubys ; et semblablement donrez à la

dame ou damoiselle, chevalier ou escuyer mieulx dansant; …

et, chansons dictes, vous aurez tout prest le bel et gracieulx banquet qui sera d'entremetz et d'autres viandes assez,

auquel vous ferez porter le paon ; et lors les seigneurs, les ï,

dames et damoiselles, les chevaliers et escuyers feront leurs. veuz ; et quant ilz les auront tous faitz, alors vous vouerez aux dues et au paon, à vostre dame faicte ou à faire, quece . premier jour de may, qui sera demain, vous mectrez ung bracelet d'or, tel que sera, en vostre bras senestre [gauche] par

D. /TENANDE SAINTRE

l'espace d'un an; se dedans icelluy vous ne trouvez chevalier ou escuyéer de nom et d'armes, sans reprouche, et le surplus comme dist est, retenu [avec réserve] sur toute chose le vouloir et plaisir du roy ; et quant vous aurez tout fait et acompaigné les dames, portez avecques vous le bracelet’au sain, affin que ce soir je le vous mecte pour la premiere fois. Ma dame, dist Saintré, le vray Dieu qui rend tous les biens faitz, le vous veuille rendre, et me doint grace de le vous desservir, ainsi que mon Cueur et ma pensée n'ont aultre desir. Et ma dame, à l'usance et coustume, lui donna congié.

L’ACTEUR. — Le jour ensuyvant, qui fut le derrain { dernier] jour d'apyril, aussi tost qu'il fust jour, Saintré d'avoir queux [cuisiniers] et viandes de diverses facons fist dilligence, et, pour abreger, fist le soupper et le banquet comme ma dame avoit dit. Puis convia seigneurs, dames, damoiselles, chevaliers, escuyers, bourgeois, bourgeoises de Paris et autres à planté [en grand nombre]. Et quant le soupper, le banquet, les dances et les veuz furent tous faitz, et Saintré avecques les aultres eust convoyées les dames de la court, et que le roy et la royne eurent pris le vin de congié, et que tous furent departiz, Saintré, comme ma dame avoit ordonné, s’en alla au preau, Si ne tarda guerres que ma dame y vint. Et lors elle, pour la premiere fois, le bracelet en son bras senestre luy

mist, en le baisant ; et pour ce que l'heure étoit tarde, n’y

furent gueres qu'il ne les convint despartir ; mais en luy mectant, lui dist: Mon amy et mon vray desir, je prie à Dieu et à nostre Dame que en tel heure et en tel point le vous puisse je mectre, que à tout honneur en puissez revenir ; et se ainsi est, je leur voue que tous les vendredis je ne porteray linge sur ma chair nue, par autant de vendredis ou de samedis que serez dehors. Ha! ma dame, dit il, et que vous ay je merité que une telle dame face telz veuz pour moy! Ouy, mon amy, dist elle, car vous estes tel que je vueil. Il m'est advis que le plus tost que vous pourrez, ayant le bon vouloir et congié de monseigneur, que vous envoyez vos lectres d'armes, à quatre cours desdits quatre rois, par quelque herault ou poursuivant qui vous apporte sur le chemin la responce. Et à ces parolles, ma dame lui donna congié. Et par ainsi les cueurs SOupirans,. les yeulx W'ung 4 de J'aultre) lermoyans, s'en departirent, æ- rap *

ANTHOINE DE LA SALE