CHAPITRE XXII
Comment le petit Saintré entra en jouste, triumphant et bien acoustré, et sé porta [comporta] vaillamment, si qu'il fut prisé et honnoré de chascun.
L'ACTEUR. — Et quant les tables furent ostées, le roy, la ‘ royne, les dames et tous vont aux hours [tribunes] pour veoir les joustes qui se vouloient commencer. Lors vint Saintré, sur son destrier houssé d’ung damas blanc, tout brodé à fleurs de ne m'oubliez mye. Et lors commenca la jouste de ceulx de dehors à ceux de dedans, desquelz, pour abreger le conte, je me passe ; et aussi de ceux qui à celle jouste furent, fors de Saintré, qui rompit des lances, bouta ung par terre jus [en bas] de la selle de son destrier, et deux avecques leurs
ST
ANTHOINE DE LA SALE
destriers, et tant dura en son heaulme, qu'il fut de tous les jousteurs premier et derrain sur les rencz [rangs]. Se ma dame estoit aise, il ne le fault pas demander ; et en verité aussi estoient le roy, la royne et tous les aultres de la court, eulx donnans merveilles de son eureux jouster ; et pour la premiere fois eust de ceulx de dehors ung tres bel diamant, qu'il donna à ma dame,
L’ACTEUR. — Le jour ensuivant encores vint sur les joustes, houssé, luy et son destrier, d’ung aultre nouvel parement tout de satin vert à fleurs de pensées. Que vous dirois je? Encores fist il si bien que chascun s'eù esmerveilloit ; mais pour l'emprise qu'il devoit faire, le roy doubtant aucun iaconvenient, l'en fist restraire ; et par ainsi durant ces jousies ne jousta plus.
